আমগুৰিত ব’হাগীক আদৰাৰ ব্যাপক প্ৰস্তুতি

অসমৰ বিভিন্ন প্ৰান্তত ব’হাগীক আদৰাৰ ব্যাপক প্ৰস্তুতি চলোৱাৰ সমান্তৰালভাৱে আমগুৰিতো দেখিবলৈ পোৱা গৈছে হেঁপাহৰ বিহুটিক আদৰাৰ আয়োজন ৷ ৰাজ্যৰ সকলো ঠাইতে এতিয়া বিহুৰ আখৰা ৷ কালুগাঁও জতকীয়া নাথ গাঁৱতো স্থানীয় মহিলাসকলে একগোট হৈ চলাইছে জেং বিহুৰ আখৰা ৷ হেঁপাহৰ বিহুটি যিহেতু নিচেই কাষ পাইছে সেইবাবে মহিলাসকলে অসমীয়াৰ পৰম্পৰা ৰক্ষা কৰি তাঁত বোৱাৰ লগতে চিৰা-পিঠাও খুন্দিছে ৷ ঠিক এনেদৰে মহিলাসকলে ঘৰৰ কাম-বন কৰি আজৰি হৈ বিহুলৈ বুলি সাজু হৈ উঠিছে ৷