প্ৰথম পৰ্যায় নিৰ্বাচন: ভোটদান কৰিলে জগদীশ ভূঞাই

শনিবাৰে পুৱা 7 বজাৰ পৰা আৰম্ভ হৈছে ৰাজ্যৰ প্ৰথম পৰ্যায়ৰ নিৰ্বাচন প্ৰক্ৰিয়া ৷ মুঠ 47 টা সমষ্টিত চলিছে ভোটগ্ৰহণ ৷ সেই উপলক্ষে পুৱা ভোটদান কৰিলে অসম জাতীয় পৰিষদৰ সম্পাদক তথা দলটোৰ শদিয়া সমষ্টিৰ প্ৰাৰ্থী জগদীশ ভূঞাই ৷ ভূঞাই দৃঢ়তাৰে জানিবলৈ দিয়ে যে, নৱ প্ৰজন্মই আঞ্চলিক দল জাতীয় পৰিষদক আঁকোৱালি লৈছে ৷ তেওঁৰ লগতে জাতীয় পৰিষদৰ অন্য প্ৰাৰ্থীসকলে বিপুল ভোটত জয় লাভ কৰিব ৷ লগতে বিজেপিক ওফৰাই ৰাজ্যত এইবাৰ আঞ্চলিকতাবাদীৰ চৰকাৰ গঠন হ’ব বুলিও দাবী কৰে প্ৰাৰ্থী গৰাকীয়ে ৷