গুৰুজনাৰ ধ্বনিৰে মুখৰিত হোজাইৰ ডেকাগিৰি সমন্বয় ক্ষেত্ৰ

শ্ৰীমন্ত শংকৰদেৱ সংঘৰ হোজাই জিলা সেৱাবাহিনীৰ আতিথ্যত কাকীৰ ডেকাগিৰি সমন্বয় ক্ষেত্ৰত 8 অক্টোবৰৰ পৰা অনুষ্ঠিত হৈছে কেন্দ্ৰীয় সেৱাবাহিনীৰ 25 সংখ্যক প্ৰতিষ্ঠা দিৱস আৰু ৰূপালী জয়ন্তী উৎসৱ ৷ ৰাজ্যৰ 54 খন জিলাৰ বিভিন্ন প্ৰান্তৰ সেৱক-সেৱিকা, আই-মাতৃ, বাপ-বান্ধৱৰ উপস্থিতিত শুকুৰবাৰৰে পৰা ডেকাগিৰি সমন্বয় ক্ষেত্ৰ গুৰুজনাৰ ধ্বনিৰে মুখৰিত হৈ আছে ৷ শনিবাৰে দ্বিতীয় দিনাৰ কাৰ্যসূচী পুৱা ধৰ্মধ্বজা উত্তোলনেৰে আৰম্ভণি হয় ৷ শ্ৰীমন্ত শংকৰদেৱ সংঘৰ পদাধিকাৰ কমলাকান্ত গগৈয়ে ধৰ্মধ্বজা উত্তোলন কৰাৰ পাছতে ভাগৱত ভ্ৰমণ আৰু সাংস্কৃতিক শোভাযাত্ৰা উলিওৱা হয় ৷ শোভাযাত্ৰাত গুৰজনাৰ মহান সৃষ্টিৰাজি প্ৰদৰ্শন কৰাৰ লগতে অসমীয়া সমাজ জীৱনৰ জীৱন্ত চিত্ৰ আৰু বিভিন্ন জাতি-জনগোষ্ঠীৰ বাৰেৰহণীয়া কলা-সংস্কৃতিক প্ৰদৰ্শন হয় ৷