হায় মানৱতা ! নিজ পুত্ৰৰ হাতত প্ৰাণ গ’ল পিতৃৰ

চৰাইদেউ জিলাৰ সোণাৰিত সংঘটিত হৈছে এক চাঞ্চল্যকৰ হত্যাকাণ্ডৰ ঘটনা (Sonari murder case) । পুত্ৰই হত্যা কৰি গাঁতত পুতি থৈছিল নিজ পিতৃৰ মৃতদেহ (Son kills father ) । ঘটনাটো সংঘটিত হৈছে সোণাৰি নগৰৰ কাষৰীয়া টীয়ক চাহ বাগিচাৰ সমীপৰ মহখুঁটিপথাৰ গাওঁত । বিগত 20 ফেব্ৰুৱাৰীৰ নিশা সংঘটিত হৈছিল এই লোমহৰ্ষক ঘটনা । ইয়াৰ পাছতে পিতৃ নিৰুদ্দেশ হৈ থকা হত্যাকাৰী বিশ্বজিতে সোণাৰি আৰক্ষী থানাত দাখিল কৰিছিল এক ভুৱা গোচৰ । অৱশেষত পিতৃক নিজেই হত্যা কৰা বুলি বিশ্বজিতে সোণাৰি আৰক্ষীক অৱগত কৰে । সোণাৰি আৰক্ষী থানা (Sonari Police Station) ৰ ভাৰপ্ৰাপ্ত বিষয়া নিতুল কুমাৰ ৰংহাংৰ নেতৃত্বত এটি আৰক্ষীৰ দলে ঘটনাস্থলীত উপস্থিত হৈ অনুসন্ধান কৰাৰ পিছত বাৰীতে পুতি থোৱাৰ পৰা মৃতদেহটো উদ্ধাৰ কৰি হত্যাকাৰী বিশ্বজিত বনিয়াক আটক কৰে ।