Youth run over by train : ৰে’লৰ খুন্দাত থিতাতে নিহত যুৱক

মৰাণ, 10 নৱেম্বৰ : ডিব্ৰুগড়ৰ চাবুৱাত ভয়ংকৰ ঘটনা সংঘটিত হৈছে । চাবুৱাৰ কাজিখোৱাত চণ্ডীগড় এক্সপ্ৰেছ ৰে'লে মহতিয়াই নিয়ে এজন লোকক । ৰে'লৰ খুন্দাত থিতাতে নিহত হয় যুৱকজন । মৃত্যু হোৱা যুৱকজন চাবুৱাৰ পুলুঙা গাঁৱৰ বুলি জানিব পৰা গৈছে । 

শুকুৰবাৰে যুৱকজনৰ শৰীৰ ক্ষত বিক্ষত অৱস্থাত ৰে'ল লাইনত পৰি থকা অৱস্থাত পৰিলক্ষিত কৰাত সমগ্ৰ ঘটনা পোহৰলৈ আহিছে । যুৱকজনে কি কাৰণে ৰে'লৰ আগত পৰি মৃত্যুক আঁকোৱালি ল'ব লগা হ'ল সেই কথা এতিয়ালৈকে জানিব পৰা নাই । সম্প্ৰতি ঘটনাস্থলীত ৰে'ল আৰক্ষী উপস্থিত হৈ মৃতদেহটো উদ্ধাৰ কৰি তদন্ত আৰম্ভ কৰিছে ৷

লক্ষণীয় যে, ইয়াৰ পূৰ্বেও বিভিন্ন কাৰণত ৰে’লৰ খুন্দাত লোক মৃত্যু হোৱাৰ খবৰে বাতৰিৰ শিৰোনাম দখল কৰি আহিছে ৷

লগতে পঢ়ক: Robbery Incident: ঘৰলৈ ঘূৰি অহাৰ পথত ক্ষুদ্ৰ ব্যৱসায়ীক চোকা অস্ত্ৰৰে আক্ৰমণ