World Stroke Day: ৰঙিয়াত বিশ্ব ষ্ট্ৰোক দিৱস পালন

আজি বিশ্ব ষ্ট্ৰোক দিৱস (World Stroke Day) । ৰাজ্যৰ ভিন্ন প্ৰান্তৰ লগতে ৰঙিয়াতো স্বস্তি হাস্পতালৰ (Swasti Hospital at Rangia) উদ্যোগত পালন কৰা হয় ষ্ট্ৰোক দিৱস (World Stroke Day observed at Swasti Hospital) । এই দিৱস উপলক্ষে চিকিৎসালয়খনৰ চৌহদৰ পৰা ৰঙিয়া হৰদত্ত বীৰদত্ত ভৱনৰ সন্মুখলৈ এক সজাগতামুলক সমদল উলিওৱা হয় । চিকিৎসালয়খনৰ পৰিচালন সঞ্চালক ডাঃ হীতেন্দ্ৰ কলিতা, ডাঃ মিতুল দাস, ডাঃ খলিলুল্লাহ ওৱাহেদ, প্ৰৱন্ধক কৰেন্দ্ৰ কলিতা সমন্বিতে কেইবা শতাধিক লোকে অংশগ্ৰহণ কৰে এই সমদলত ৷ সমদলটোৰ জৰিয়তে মাদক দ্ৰব্য নিবাৰণ কৰা, সুখাদ্য ভক্ষণ কৰা, বিধিসন্মত স্বাস্থ্য যত্ন ৰখাকে ধৰি বিভিন্ন উপায়ৰ জৰিয়তে ষ্ট্ৰোকৰ দৰে ৰোগৰ ভয়াবহতাৰ পৰা ৰক্ষা পৰাৰ বাবে ৰাইজৰ প্ৰতি আহ্বান জনোৱা হয় ।