Wild elephants menace: ৰঙাপৰাত বন্যহস্তীয়ে ভাঙিলে পকী আবাসগৃহ

ৰাজ্যৰ বিভিন্ন প্ৰান্তত অব্যাহত আছে হাতী মানুহৰ সংঘাট (Elephant-human conflict continues) ৷ ক’ৰবাত যদি হাতীয়ে ঘৰ ভাঙিছে আন কৰবাত অনিষ্ট কৰিছে পথাৰৰ ধান ৷ বুধবাৰে নিশা অনুৰূপ ঘটনাই ঘটিল শোণিতপুৰ জিলাৰ ৰঙাপৰাত ৷ খাদ্যৰ সন্ধানত বনাঞ্চলৰ পৰা ওলাই অহা পাঁচটাকৈ বনৰীয়া হাতীৰ জাকে তাৰাজুলি চাহ বাগিচাৰ চৌহদত প্ৰবেশ কৰি এটি পকী গৃহ সম্পূৰ্ণৰূপে ভাঙি চূৰ্ণ-বিচূৰ্ণ কৰে (Wild elephants destroyed a house in Rangapara)৷ হাতীৰ জাকটোৱে মাজনিশা চাহ বাগিচাখনৰ ২ নং লাইনৰ নিবাসী বিষ্ণু নায়কৰ বাসগৃহত চলাই উপদ্ৰৱ ৷ উল্লেখ্য যে ৰঙাপৰা অঞ্চলত বনৰীয়া হাতীয়ে বছৰৰ পিছত বছৰ ধৰি তাণ্ডৱ চলাই ৰাইজৰ বিস্তৰ ক্ষতি সাধন কৰি অহাৰ পাছতো বন বিভাগে কোনো ধৰণৰ পদক্ষেপ নোলোৱাৰ অভিযোগ স্থানীয় ৰাইজৰ ।