Upcoming loksabha election: কংগ্ৰেছে ৬০ বছৰে কৰিব নোৱৰা কাম বিজেপিয়ে কৰিছে: সৰ্বানন্দ সোণোৱাল

গুৱাহাটী, ১৪ নৱেম্বৰ: "কংগ্ৰেছে ৬০ বছৰে কৰিব নোৱৰা কাম বিজেপিয়ে কৰিছে, সেয়েহে বিজেপিৰ ফলাফল ভাল হ’ব । আগন্তুক লোকসভা নিৰ্বাচনত অসমত ১২ খন আসন লাভ কৰিব বিজেপি দলে"৷ এই দাবী কেন্দ্ৰীয় মন্ত্ৰী সৰ্বানন্দ সোণোৱালৰ । মঙলবাৰে শ্ৰীমন্ত শংকৰদেৱ কলাক্ষেত্ৰত এক অনুষ্ঠানত উপস্থিত থাকি সাংবাদিকৰে হোৱা কথা বতৰাত এনেদৰে মন্তব্য আগবঢ়াই কেন্দ্ৰীয় মন্ত্ৰীগৰাকীয়ে । আগন্তুক পাঁচ ৰাজ্যৰ নিৰ্বাচনৰ ফলাফল সন্দৰ্ভত সোধা এক প্ৰশ্নৰ উত্তৰত কেন্দ্ৰীয় মন্ত্ৰীগৰাকীয়ে কয় যে ভাৰতীয় জনতা পাৰ্টীৰ চৰকাৰে যোৱা ৯ বছৰত যিমান কাম কৰিছে সেই কাম কংগ্ৰেছে ৬০ বছৰ ৰাজত্ব কৰিও কৰিব নোৱাৰিলে । সেয়েহে ভাল কামৰ ভাল ফল বিজেপিয়ে পাবই ।

আনহাতে শেহতীয়াকৈ হোৱা পাঁচ ৰাজ্যৰ নিৰ্বাচনত বিজেপি শূণ্য় হ'ব বুলি কংগ্ৰেছে কৰা দাবী সন্দৰ্ভত মন্তব্য আগবঢ়াই সোণোৱালে কয় যে, বিগত ৬০ বছৰে কংগ্ৰেছে কৰিলে কি ? কংগ্ৰেছে বিগত ৬০ বছৰে একোৱে কৰিৱ নোৱাৰিলে । সেয়েহে তেওঁলোক এতিয়া হতাশ হৈছে । এই কথা তেওঁলোকে মুকলিকৈ নকলেও মনেৰে স্বীকাৰ কৰে । সেয়েহে ভাৰতীয় জনতা পাৰ্টীয়ে দেশৰ শক্তিশালী প্ৰধানমন্ত্ৰী নৰেন্দ্ৰ মোদীৰ নেতৃত্বত পৃথিৱীৰ পঞ্চম অৰ্থনীতি হিচাপে প্ৰতিষ্ঠা লাভ কৰিবলৈ সক্ষম হৈছে । আগন্তুক লোকসভা নিৰ্বাচনত অসমৰ ৰাইজৰ আশীৰ্বাদত বিজেপিয়ে ১২+ আসন পাবলৈ সক্ষম হ’ব বুলি মন্তব্য কৰে তেওঁ ।

লগতে পঢ়ক : Sarbananda Sonowal At GCDS: সদৌ অসম শিশু নাট প্ৰতিযোগিতাৰ চূড়ান্ত নাট্যশ্লাঘ্য অনুষ্ঠানত সৰ্বানন্দ সোণোৱাল