Tourists Stuck In Nagabali River: ছেলফী উঠিবলৈ নদীৰ প্ৰবল সোঁতৰ মাজত আৱদ্ধ দুজন

ওড়িশাত ভয়ংকৰ ঘটনা ৷ ছেলফী তুলিবলৈ গৈ নদীৰ প্ৰবল সোঁতৰ মাজত আৱদ্ধ হ'ল দুজন লোক (Two youth Stuck In Nagabali River)৷ দেওবাৰে ওড়িশাৰ ৰায়গড়া জিলাৰ নাগাৱলী নদীত সংঘটিত হয় এই ঘটনাটো (Nagabali River) ৷ বিগত কেইবাদিনো ধৰি ৰাজ্যখনত হোৱা নেৰা-নেপেৰা বৰষুণৰ ফলত নদীখনৰ জলস্তৰ বৃদ্ধি হয় ৷ ফলত নদীৰ প্ৰবাল সোঁতৰ মাজত যেনে-তেনে এটা শিলত বগাই কথমপি প্ৰাণ ৰক্ষা কৰে দুয়োজন লোকে ৷ যুৱক দুজন জিলাখনৰ কাশীপুৰ খণ্ডৰ পোদাপাডি অঞ্চলৰ সুনামী নায়ক আৰু সুধীৰ নায়ক বুলি জানিব পৰা গৈছে ৷ এই ঘটনা প্ৰত্যক্ষ কৰি স্থানীয় লোকে হুৱাদুৱা কৰে ৷ ঘটনাটোৰ বিষয়ে অৱগত হোৱাৰ পিছতে অগ্নি নিৰ্বাপক বাহিনীৰ কৰ্মীসকল ঘটনাস্থলীত উপস্থিত হয় আৰু দুয়োকে উদ্ধাৰ কৰিবলৈ অভিযান আৰম্ভ কৰে ৷ অৱশেষত দুয়োজনকে অগ্নিনিৰ্বাপক সেৱাৰ কৰ্মীয়ে লাইফ জেকেট আৰু ৰছী প্ৰদান কৰি উদ্ধাৰ কৰিবলৈ সক্ষম হয় ।