Drugs Seized: নামৰূপ ৰে’লৱে ষ্টেচনৰ পৰা ড্ৰাগছসহ দুটা সৰবৰাহকাৰীক আটক

মৰাণ, 28 মাৰ্চ: ৰাজ্যজুৰি নিচাজাতীয় সামগ্ৰীৰ বিৰুদ্ধে আৰক্ষীয়ে কঠোৰ অভিযান চলাই থকাৰ সময়তো গা ল’ৰা নাই একাংশ সৰবৰাহকাৰীৰ ৷ ৰাজ্যৰ ভিন্ন প্ৰান্তৰ লগতে ডিব্ৰুগড় জিলাত অব্যাহত আছে ড্ৰাগছৰ সৰবৰাহৰ ঘটনা ৷ আৰক্ষীৰ চকুত ধূলি দি ড্ৰাগছ মাফিয়াই চলাই গৈছে ড্ৰাগছৰ ৰমৰমীয়া ব্যৱসায় (Drugs Seized at Namrup Railway station) ৷ মঙলবাৰে জিলাখনৰ নামৰূপ ৰে’লৱে ষ্টেচনত নামৰূপ আৰক্ষীয়ে অভিযান চলাই ড্ৰাগছসহ দুটা সৰবৰাহকাৰীক আটক কৰিবলৈ সক্ষম হয় (Two peddler detained at Namrup) ৷ 

সৰবৰাহকাৰী দুটা বিশাল গোৱালা (২১) আৰু পলাশ বৰা (৩২) বুলি জানিব পৰা গৈছে ৷ আৰক্ষীয়ে আটকাধীন সৰবৰাহকাৰী দুটাৰ পৰা ৫০ গ্ৰাম ড্ৰাগছ জব্দ কৰিবলৈ সক্ষম হৈছে ৷ জানিব পৰা মতে দীৰ্ঘদিন ধৰি এই দুই সৰবৰাহকাৰীয়ে নামৰূপ ৰে’লৱে ষ্টেচনৰ সমীপৰ অঞ্চলসমূহত ড্ৰাগছৰ ব্যৱসায় চলাই আছিল ৷ ৰাইজৰ অভিযোগৰ পিচতে নামৰূপ আৰক্ষীয়ে অঞ্চলটোত অভিযান চলাইছিল ৷ আটক কৰা দুই যুৱকক অধিক তথ্যৰ বাবে জেৰা অব্যাহত ৰাখিছে নামৰূপ আৰক্ষীয়ে ৷

লগতে পঢ়ক: Road accident: দৰঙত ট্ৰাকে মহতিয়ালে বেলেন’ বাহন; দুজন নিহত