Silapathar Akajan accident news: অকাজানত ভয়ংকৰ পথ দুৰ্ঘটনা, থিতাতে প্ৰাণ গ’ল দুজনৰ

জোনাই, 9 মাৰ্চ: চিলাপথাৰ আৰক্ষী থানাৰ অন্তৰ্গত অকাজানত সংঘটিত হয় ভয়ংকৰ পথ দুৰ্ঘটনা (Silapathar Akajan accident news) । দুৰ্ঘটনাটোত থিতাতে নিহত হয় দুই স্কুটি আৰোহী ৷ আজি পুৱা 9.30 বজাত লিকাবালি কোৱাৰীৰ পৰা ডিব্ৰুগড় অভিমুখে গৈ থকা AS 22 C 8429 নম্বৰৰ বল্ডাৰ ভৰ্তি ডাম্পাৰ এখনে কোলাজানৰ পৰা চিলাপথাৰ অভিমুখে আহি থকা AS 06A E 1863 নম্বৰৰ স্কুটি বাহনখনৰ সৈতে মুখামুখি সংঘৰ্ষত লিপ্ত হয় ।

তীব্ৰবেগী ডাম্পাৰখনে ডেৰশ মিটাৰলৈকে স্কুটিখনক মহতিয়াই লৈ যায় । ভয়ংকৰ পথ দুৰ্ঘটনাটোত স্কুটি আৰোহী দুজন থিতাতে নিহত হয় (Two killed in road accident) । স্কুটি আৰোহী দুজন কোলাজানৰ কমলাকান্ত ৰেগনৰ পুত্ৰ বিকি(ভাইটি) ৰেগন আৰু খেমানি ৰেগনৰ পুত্ৰ নৱ(মেচাই) ৰেগন বুলি জানিব পৰা গৈছে ।

দিন হাজিৰা কৰি পৰিয়াল চলোৱা নৱ ৰেগন আৰু বিকি ৰেগনৰ পৰিয়ালৰ লোকে চকুলোৰে বাট নেদেখা হৈ পৰিছে (Jonai accident news) ৷ চিলাপথাৰ নগৰত তীব্ৰ গতিত শিল-বালি কঢ়িওৱা ডাম্পাৰৰ দৌৰাত্ম্যৰ ফলতে সঘনাই পথ দুৰ্ঘটনা সংঘটিত হৈ আহিছে বুলি স্থানীয় ৰাইজে অভিযোগ উত্থাপিত কৰিছে । দুৰ্ঘটনাবোৰত বহু লোকৰ প্ৰাণহানি হৈছে বুলি অঞ্চলটোৰ ৰাইজে অভিযোগ উত্থাপন কৰাৰ লগতে যান-বাহন চলাচলৰ ক্ষেত্ৰত আইন নমনাসকলৰ বিৰুদ্ধে কঠোৰ ব্যৱস্থা গ্ৰহণ কৰিবলৈ আৰক্ষী তথা স্থানীয় প্ৰশাসনক দাবী জনাইছে ।

লগতে পঢ়ক : Holi Bizarreness: হোলীৰ নামত একাংশ যুৱকৰ অতপালি, কৰ্তব্যৰত আৰক্ষীক প্ৰহাৰ