Junmoni Rabha mysterious death : নামৰূপত জোনমণি ৰাভালৈ শ্ৰদ্ধাঞ্জলি

নামৰূপ,২৩ মে': ৰাজ্যজুৰি আৰক্ষী বিষয়া জোনমণি ৰাভাৰ মৃত্যুক লৈ চাঞ্চল্য অব্যাহত আছে (Junmoni Rabha death case)। সমগ্ৰ ঘটনাৰ তদন্তও অব্যাহত আছে । অৱশ্যে ইয়াৰ মাজতে বিভিন্ন স্থানত জোনমণি ৰাভাক শ্ৰদ্ধাঞ্জলি জনোৱাও দেখা গৈছে । সাহসী আৰক্ষী বিষয়া জোনমণি ৰাভাৰ অকাল বিয়োগত শোকস্তব্ধ হৈছে নামৰূপবাসী । যাৰ বাবে অসম জাতীয়তাবাদী যুৱ ছাত্ৰ পৰিষদ, নামৰূপ আঞ্চলিক সমিতিৰ কাৰ্যালয় প্ৰাংগণত এক শ্ৰদ্ধাঞ্জলি অনুষ্ঠানৰ আয়োজন কৰা হয় (Tribute to Junmoni Rabha in Namrup)।

এই শ্ৰদ্ধাঞ্জলি অনুষ্ঠাত নামৰূপৰ বিভিন্ন দল-সংগঠন আৰু ৰাইজে অংশগ্ৰহণ কৰে ৷ জোনমণি ৰাভাৰ ফটোত সকলোৱে শ্ৰদ্ধাঞ্জলি জ্ঞাপন কৰাৰ লগতে আৰক্ষী বিষয়াগৰাকীৰ মৃত্যুৰ উচিত তদন্তৰ দাবী তোলে । "বেটি বচাও বেটি পঢ়াও" শ্ল'গান দিয়া বিজেপি চৰকাৰে সাধাৰণ নাৰীৰ কথা বাদেই, এগৰাকী মহিলা আৰক্ষীক নিৰাপত্তা প্ৰদানত ব্যৰ্থ হোৱা ঘটনাক কঠোৰ সমালোচনা কৰে বিভিন্ন সংগঠনে ৷

লগতে পঢ়ক :Road accident in Baska: ডাম্পাৰৰ খুন্দাত নিহত দশম শ্ৰেণীৰ ছাত্ৰী