Attempt to rape: বন্ধুৰ ঘৰলৈ আনি যুৱতীক ধৰ্ষণৰ চেষ্টা তিনি যুৱকৰ; ঠিকনা লক্ আপ

গুৱাহাটী, ৩১ অক্টোবৰ: তিনি যুৱকে এগৰাকী যুৱতীক বলপূৰ্বকভাৱে যৌন নিৰ্যাতন চলোৱা ঘটনাক কেন্দ্ৰ কৰি বোন্দা চপাইদাংৰ সৈনিক নগৰ অঞ্চলত মঙলবাৰে বিয়লি সৃষ্টি এক উত্তপ্ত পৰিস্থিতিৰ । স্থানীয় ৰাইজে অসৎকাৰ্যত লিপ্ত হোৱা ৩ যুৱকক কৰায়ত্ব কৰি  উত্তম-মধ্যম শোধায় ৷ পিছত যুৱক কেইজনক স্থানীয় নুনমাটি আৰক্ষীক গতাই দিয়ে ৰাইজে ।

জানিব পৰা মতে মায়ঙৰ অৰবিন্দ মণ্ডল, ৰঘুনাথ মণ্ডল আৰু বনবাসী বিশ্বাস নামৰ তিনি যুৱকে পূৰ্বৰ চিনাকী সূত্ৰে বোন্দা সৈনিক নগৰৰ কৈলাশ ঘুলিৰ বাসিন্দা ভাস্কৰ মহন্তৰ ঘৰলৈ এগৰাকী যুৱতী লৈ আনে । যুৱককেইজনে ঘৰৰ গৰাকী ভাস্কৰ মহন্তক যুৱতীগৰাকী তেওঁলোকৰ আত্মীয় বুলি অৱগত কৰে । ইয়াৰ পিচত ভাস্কৰ মহন্তই বজাৰলৈ ওলাই যোৱাৰ সুযোগতে তিনি যুৱকে মিলি যুৱতীগৰাকীৰ সৈতে অসৎকাৰ্যত লিপ্ত হয় ।

যুৱতীগৰাকীয়ে চিঞৰ-বাখৰ কৰাত ভাস্কৰ মহন্তৰ ঘৰত ওচৰ-চুবুৰীয়া উপস্থিত হৈ যুৱক তিনিজনৰ কবলৰ পৰা যুৱতীগৰাকীক উদ্ধাৰ কৰে । পিছত স্থানীয় ৰাইজে যুৱক কেইজনক উত্তম-মধ্যম সোধায় ৷ ৰাইজৰ খবৰৰ ভিত্তিত ঘটনা স্থলীত উপস্থিত হোৱা নুনমাটি আৰক্ষীয়ে যুৱক কেইজনক আটক কৰে । ঘটনা সন্দৰ্ভত নুনমাটি আৰক্ষীয়ে এটা গোচৰ ৰজু কৰিছে । 

উল্লেখ্য যে, ৰাজ্যৰ মুখ্যমন্ত্ৰীয়ে কেইদিনমান পূৰ্বে অসমত অপৰাধজনিত ঘটনা হ্ৰাস পোৱা বুলি দাবী কৰিছিল যদিও খোদ মহানগৰী গুৱাহাটীতে নিতৌ সংঘটিত হ’বলৈ ধৰিছে ইটোৰ-পিচত সিটো অপৰাধ ৷ দুৰ্গা পূজাৰ আনন্দ ম্লান নৌপৰোঁতেই গুৱাহাটী মহানগৰীত কিন্নৰৰ হত্যা সংঘটিত হোৱাৰ সমান্তৰালকৈ কেইবাটাও চুৰিকাণ্ড সংঘটিত হোৱাৰ খবৰো লাভ কৰা গৈছে ৷ 

লগতে পঢ়ক: Chain snatchers : বেলতলাত বৃদ্ধাৰ ডিঙিৰ পৰা সোণৰ চেইন‌ টানি উধাও চিলনী চোৰ