Theft incident in Jorhat: গুৰুদ্বাৰত চোৰে চুৰি কৰাৰ দৃশ্য বন্দী চিচিটিভিত

যোৰহাট, 18 মে’: এইবাৰ মন্দিৰ, মছজিদৰ পিচতে চোৰৰ টাগেট হ’ল শিখ ধৰ্মাৱলম্বী লোকৰ উপাসনাস্থলী গুৰুদ্বাৰ (Theft incident in Jorhat) ৷ বুধবাৰে পুৱতি নিশা যোৰহাট নগৰৰ মাজমজিয়া লাহতি তেল ডিপো সমীপত থকা শিখ ধৰ্মালম্বী গুৰুদ্বাৰত চোৰে প্ৰৱেশ কৰি দান পাত্ৰত থকা টকা সহিতে অন্যান্য সামগ্ৰী চুৰি কৰি উধাও হয় (Thieves looted at gurdwara) ৷ ইফালে গুৰুদ্বাৰত চোৰটোৱে প্ৰৱেশ চুৰি কৰাৰ সকলো দৃশ্য গুৰুদ্বাৰ বাহিৰে ভিতৰে থকা চি চি টি ভি কেমেৰাত বন্দী হয় ৷

ইয়াৰ পিচতে বৃহস্পতিবাৰে দিনত গুৰুদ্বাৰ সমিতয়ে চুৰিকাণ্ড সন্দৰ্ভত যোৰহাট সদৰ থানাত এখন এজাহাৰ দাখিল কৰে ৷ এই এজাহাৰ দাখিলৰ পিচতেই তৎপৰ হৈ পৰে যোৰহাট আৰক্ষী ৷ উল্লেখ্য যে, গুৰুদ্বাৰতেই নহয় বিগত দিনকেইটাত জিলাখনৰ বিভিন্ন প্ৰান্তত অৰ্থাৎ যোৰহাট চিকিৎসা মহাবিদ্যালয়, মাছৰহাট আৰু মালৌ কমলাবাৰীৰ সমীপতো চোৰে চাফাই অভিযান চলাইছিল ৷ ইতিমধ্যে যোৰহাট আৰক্ষীয়ে কেইবাটাও চোৰক আটক কৰিবলৈ সক্ষম হৈছে ৷ অৱশ্যে এতিয়ালৈ গুৰুদ্বাৰত চুৰি কাৰ্য সংঘটিত কৰা চোৰটোক আটক কৰিবলৈ সক্ষম হোৱা নাই ৷ 

লগতে পঢ়ক: Suicide in MG School Goalpara: পাঠদানৰ মাজতেই হোষ্টেলৰ কোঠাত চিপ লৈ ছাত্ৰীৰ আত্মহত্যা