Thief incident : মহানগৰীৰ ভেটাপাৰাৰ গোঁসাইবাৰীত চুৰিকাণ্ড

গুৱাহাটী, 4 নৱেম্বৰ: অপৰাধীৰ যেন ৰম্যভূমিত পৰিণত হৈছে গুৱাহাটী মহানগৰী । প্ৰতিদিনে চোৰে নিদ্ৰা হৰিছে মহানগৰ আৰক্ষীৰ । চিলনী চোৰৰ সন্ত্ৰাসৰ সমান্তৰালভাৱে ঘৰে-ঘৰে সংঘটিত হ’বলৈ ধৰিছে চোৰ ডকাইতৰ সন্ত্ৰাস । বশিষ্ঠ আৰক্ষীৰ নাকৰ তলতেই প্ৰতিদিনে এটাৰ পিছত আন এটা চুৰি ডকাইতিৰ ঘটনা সংঘটিত হৈছে । 

এইবাৰ বশিষ্ঠ আৰক্ষী থানাৰ পৰা মাত্ৰ 500 মিটাৰ নিলগত গোঁসাইবাৰীৰ এটা ভাড়াতীয়া ঘৰত চোৰে চলালে চাফাই অভিযান । অসুস্থ মাতৃক চিকিৎসালয়লৈ নিয়াৰ সময়ত ঘৰত কোনো নথকাৰ সুযোগলৈ দিন দুপৰতে চোৰে সংঘটিত কৰিলে চুৰিকাণ্ড । নগদ 50 হাজাৰ টকাৰ লগতে চোৰে লুটি নিলে মূল্যবান সোণ ৰূপৰ আ-অলংকাৰ । 

উল্লেখ্য যে, এই পৰিয়ালটোৱে পদপথত ব্যৱসায় চলাই জীৱন নিৰ্বাহ কৰিছিল । ইতিমধ্যে বশিষ্ঠ আৰক্ষীৰ ভুক্তভোগী পৰিয়ালটোৱে কাষ চাপিছে যদিও কোনো গুৰুত্ব দিয়া নাই বুলি ক্ষোভ প্ৰকাশ কৰিছে ভুক্তভোগীয়ে ৷

লগতে পঢ়ক: Fake currency seized : নগাঁৱত নকল টকা বনোৱা মেচিনসহ আটক 4