জুৰীয়াত ভূ-মাফিয়াই বেদখল কৰিবলৈ আহি জ্বলাই দিলে চাৰিটা বাসগৃহ

চামগুৰি, ২ ডিচেম্বৰ: জুৰীয়াৰ সুতিৰপাৰত ভূ-মাফিয়াই সংঘটিত কৰিলে ভয়ংকৰ কাণ্ড । ভূ-মাফিয়াই মাটি বেদখল কৰিবলৈ আহি জ্বলাই দিলে চাৰিটা বাসগৃহ । ভূ-মাফিয়াৰ আক্ৰমণত আহত হয় ছজন লোক । ইপিনে,এই ঘটনাত দুজন লোক অগ্নিদগ্ধ হোৱাত অৱস্থা সংকটজনক হৈ পৰে । উল্লেখ্য় যে সুতিৰপাৰ চিতলমাৰি বিলৰ ৰহিম উদ্দিন আৰু আব্দুল ৰছিদৰ ভূমি বেদখল কৰিবলৈ আহিছিল ফইজুল ইছলামে ।

ফইজুল ইছলামৰ ১০/১২ জনীয়া দল এটাই হাতে হাতে চোকা অস্ত্ৰ লৈ ৰহিম উদ্দিনৰ ভূমি বেদখল কৰাৰ চেষ্টা কৰে যদিও ৰহিম উদ্দিনৰ পৰিয়ালে বাধা প্ৰদান কৰে । পিছত দুয়ো পক্ষৰ আক্ৰমণ প্ৰতাক্ৰমণত ছয়জন লোক আহত হয় । আনহাতে, ফইজুল ইছলামৰ দলটোৱে ৰহিম উদ্দিনৰ চাৰিটা কৈ বাসগৃহ জ্বলাই দিয়ে । ইয়াৰ পিচতেই ঘটনাস্থলীত আৰক্ষী উপস্থিত হৈ তদন্ত আৰম্ভ কৰাৰ লগতে আহত সকলক চিকিৎসালয়লৈ প্ৰেৰণ কৰে । এই ঘটনাটোক লৈ এলেকাটোত উত্তেজনাই বিৰাজ কৰিছে ।

লগতে পঢ়ক:ৰাজ্যত ৮০ শতাংশ পথ দুৰ্ঘটনাই মটৰ চাইকেলৰ বাবে সংঘটিত হয়: শুক্লবৈদ্য