Tense Situation : বঙাইগাঁও জিলাৰ মেৰেৰচৰ আৰক্ষী থানাত নিশা উত্তপ্ত পৰিস্থিতি

বঙাইগাঁও, 5 অক্টোবৰ : বঙাইগাঁও জিলাৰ মেৰেৰচৰ আৰক্ষী থানাত বুধবাৰে নিশা সৃষ্টি হয় এক উত্তপ্ত পৰিস্থিতি ৷ ভুক্তভোগীৰ এজাহাৰ নোলোৱাত থানাৰ সন্মুখত এই পৰিস্থিতি ৷

ঘটনাৰ বিৱৰণী মতে কান্দুলীয়া গাঁৱৰ ইমদাদুল ইছলাম আৰু দুই বন্ধুৱে মিলি ৰঙাপানী গাওঁৰ ২ নং বিকল্প ৰাজ্যিক ঘাইপথৰ কাষতে ঘৰ ভাড়াত লৈ পুৰণি দুচকীয়া বাহনৰ দোকান দি ব্যৱসায় আৰম্ভ কৰে ৷ কিন্তু বুধবাৰে আবেলি এজন ভুৱা বিদ্যুৎ কৰ্মচাৰী আৰু দুজন গুণ্ডাৰূপী যুৱকে বিল লোৱাৰ অজুহাতত আহি ইমদাদুল ইছলামক ৰডেৰে আক্ৰমণ কৰি প্ৰচণ্ড মাৰপিট কৰে ৷ লগে লগে ঠাইখিনিত এক হুৱা-দুৱা পৰিস্থিতিৰ সৃষ্টি হয় ৷

স্থানীয় ৰাইজে তিনিওজন লোকক আৱদ্ধ কৰে যদিও ভুৱা বিদ্যুৎ কৰ্মচাৰীজন পলায়ন কৰিবলৈ সক্ষম হয় ৷ স্থানীয় ৰাইজে মেৰেৰচৰ আৰক্ষী খবৰ দি আন দুজন লোকক আৰক্ষীক গতাই দিয়ে ৷ পৰৱৰ্তী সময়ত ভুক্তভোগী ইমদাদুল ইছলামে চিকিৎসালয়ত চিকিৎসা লৈ সুস্থ হোৱাৰ পাচত মেৰেৰচৰ আৰক্ষী থানাত নিশা প্ৰায় ৮ বজাত এজাহাৰ দিব যোৱাত আৰক্ষীয়ে এজাহাৰ লবলৈ অমান্তি হয় ৷ এই ঘটনাক কেন্দ্ৰ কৰি থানাত এক উত্তেজনাময় পৰিৱেশৰ সৃষ্টি হয় ৷

লগতে পঢ়ক : Husband cuts of wifes finger: সামান্য কথাতে পত্নীৰ বুঢ়া আঙুলি কাটিলে স্বামীয়ে