Super Fifty Special Event:ৰঙিয়াত চুপাৰ ফিফটিৰ বিশেষ অনুষ্ঠান

ৰঙিয়া, 31 অক্টোবৰ : ৰঙিয়াত চুপাৰ ফিফটিয়ে আয়োজন কৰে এটা বিশেষ অনুষ্ঠান ৷ ৰঙিয়া মহকুমা প্ৰশাসনৰ উদ্যোগত কেন্দ্ৰীয় লোকসেৱা আয়োগৰ পৰীক্ষাত অৱতীৰ্ণ হ’ব বিচৰা পৰীক্ষাৰ্থীসকলক সহায়ৰ হাত আগবঢ়োৱাৰ লক্ষ্যৰে প্ৰজেক্ট চুপাৰ ফিফটি শীৰ্ষক প্ৰকল্প ৰূপায়ণৰ উদ্যোগ গ্ৰহণ কৰা হৈছে ।

পহিলা নৱেম্বৰৰ পৰা নিৰ্বাচিত ৫০ গৰাকী প্ৰশিক্ষাৰ্থীক ১০ মাহজুৰি আগবঢ়োৱা হ’ব এই বিশেষ প্ৰশিক্ষণ । তদুপলক্ষে সোমবাৰে বিয়লি ৰঙিয়া হৰদত্ত বীৰদত্ত ভৱন প্ৰেক্ষাগৃহত অনুষ্ঠিত কৰা হয় শুভ উদ্বোধনী অনুষ্ঠানৰ । মহকুমাধিপতি দিপন বৰ্মণৰ সঞ্চালনাত অনুষ্ঠিত অনুষ্ঠানত সহযোগী তক্ষশিলা স্কুল অৱ্ চিভিল ছাৰ্ভিচৰ মুখ্য কাৰ্যবাহী বিষয়া তুলসী প্ৰিয়া বৰদলৈৰ লগতে যুৱ কল্যাণ সমিতিৰো বিষয়াসকল উপস্থিত থাকে । অনুষ্ঠানত নিৰ্বাচিত প্ৰশিক্ষাৰ্থীসকলৰ মাজত প্ৰমাণ-পত্ৰ বিতৰণ কৰা হয় । ৰঙিয়া মহকুমা প্ৰশাসনৰ এই বিশেষ পদক্ষেপে স্বাভাৱিকতে নিৰ্বাচিত প্ৰশিক্ষাৰ্থীসকলৰ মনলৈ আনিছে আশাৰ বতৰা ।

লগতে পঢ়ক : Rangia T T College: ৰঙিয়া শিক্ষক প্রশিক্ষণ মহাবিদ্যালয়ত ‘‘কি সুৰে উতলা আহিনৰ বাঁহী" শীৰ্ষক অনুষ্ঠান