Dibrugarh News: খোৱাঙত শোকাৱহ ঘটনা; পুখুৰীত গা ধুবলৈ গৈ সলিল-সমাধি কিশোৰৰ

ডিব্ৰুগড়, 20 মে’: খোৱাঙত সংঘটিত হৈছে এক শোকাৱহ ঘটনা ৷ পুখুৰীত গা ধুবলৈ গৈ খোৱাং বাঘতলী গাঁৱত কিশোৰৰ সলিল-সমাধি ৷ ডিব্ৰুগড় জিলাৰ মৰাণ ৰাজহ চক্ৰৰ অন্তৰ্গত তথা খোৱাং আৰক্ষী থানাৰ অন্তৰ্গত খোৱাং নগাবাৰী বাঘতলী গাঁৱত সংঘটিত হৈছে এই ঘটনা (Teen Drowns While Taking Bath In Tank) ৷  

জানিব পৰা মতে, নগাবাৰী বাঘতলী গাঁৱৰ নিবাসী কিনো ওৰাঙৰ পুত্ৰ ধীৰাজ ওৰাং (13) নামৰ কিশোৰজনে আজি আবেলি সমনীয়াৰ লগত পথাৰত থকা পুখুৰীত গা ধুবলৈ গৈ শোকাৱহ মৃত্যুক আকোঁৱালি লয় (Student Dies After Falling into Tank in Khowang) ৷ 

পৰিয়ালৰ লোকে কিশোৰজনক খোৱাং প্ৰাথমিক স্বাস্থ্য কেন্দ্ৰলৈ ততাতৈয়াকৈ আনে যদিও চিকিৎসকে মৃত ঘোষণা কৰে কিশোৰজনক ৷ পৰৱৰ্তী সময়ত খোৱাং আৰক্ষীয়ে মৃত কিশোৰজনৰ মৰণোত্তৰ পৰীক্ষাৰ বাবে যাৱতীয় ব্যৱস্থা গ্ৰহণ কৰে ৷

লগতে পঢ়ক: Man Elephant Conflict: বন্যহস্তীৰ গচকত মহিলাৰ কৰুণ মৃত্যু