Strom Hit in Rangapara: ৰঙাপৰাত ধুমুহাৰ তাণ্ডৱ, বিস্তৰ ক্ষতি কেইবাখনো দোকানৰ

ৰঙাপৰা,28 জুলাই: শোণিতপুৰ জিলাৰ ৰঙাপৰাত ধুমুহাৰ তাণ্ডৱ ৷ শুকুৰবাৰে দুপৰীয়াৰ ভাগত অহা প্ৰচণ্ড ধুমুহাৰ ফলত ৰঙাপৰাৰ কয়লাজুলিৰ থাইগিৰবাৰী গাঁৱত বিস্তৰ ক্ষতি সাধন হয় ৷  ধুমুহাৰ ফলত অঞ্চলটোৰ প্ৰায় পাঁচখনকৈ দোকান গৃহৰ টিনপাত উৰুৱাই লৈ যায় ৷ ইফালে গাঁৱখনত ধুমুহাৰ পিচতে মূষলধাৰ বৰষুণৰ ফলত কেইবাখনো দোকানৰ সামগ্ৰী নষ্ট হয় ৷ জানিব পৰা মতে হেমন্ত দৈমাৰীৰ সুলভ মূল্যৰ দোকান আৰু বিৰখাং মুছাহাৰীৰ কম্পিউটাৰ দোকানখনৰ সামগ্ৰীবোৰ ক্ষতিগ্ৰস্ত হয় ৷ 

কয়লাজুলিত ধুমুহাৰ ফলত উভালি পৰে প্ৰকাণ্ড প্ৰকাণ্ড গছ। ধুমুহাৰ ফলত আতংকিত হৈ পৰে গাঁৱবাসী ৷ ধুমুহাৰ সমান্তৰালভাবে বিজুলী-ঢেৰেকনিৰ প্ৰচণ্ড শব্দত ভয়ত কম্পমান হৈ পৰে স্থানীয় ৰাইজ । পথাৰত কৃষি কৰ্মত ব্যস্ত থকা লোকসকল শংকিত হৈ লগে লগে নিৰাপদ স্থানত আশ্ৰয় গ্ৰহণ কৰে। 

লগতে পঢ়ক:Man Elephant conflict in Assam: জামুগুৰিহাটত হাতীৰ মুক্ত বিচৰণত শংকিত ৰাইজ