Gutkha shop sealed: বৰপেটাৰোডত গুটখাৰ দোকান ছীল এছ টি এফৰ

বৰপেটাৰোড,15 আগষ্ট : ৰাজ্যজুৰি নিচাযুক্ত সামগ্ৰীৰ বিৰুদ্ধে আৰক্ষীয়ে কঠোৰ অভিযান চলাই থকাৰ মাজতে সোমবাৰে নিশা বৰপেটাৰোডৰ এখন গুটখাৰ দোকানত এছ টি এফৰ দল এটিয়ে অতৰ্কিতে অভিযান চলায় । এছ টি এফৰ পৰিদৰ্শক সুৰজ দলেৰ নেতৃত্বত অহা অভিযানকাৰী দলটোৱে বৰপেটাৰোড আৰক্ষীৰ সহযোগত বৰপেটাৰোড চহৰৰ বিষ্ণু ভদ্ৰ মালিকাধীন পান মছলা, জৰ্দা, চিগাৰেটৰ পাইকাৰী দোকানত অভিযান চলাই বিভিন্ন নথি পত্ৰ জব্দ কৰে।

ইয়াৰ পিচত বৰনগৰ ৰাজহ চক্ৰৰ চক্ৰ বিষয়া ডাঃ মিথিংগা দৈমাৰীৰ উপস্থিতিত দোকানখন ছীল কৰে। উল্লেখ্য যে, গুৱাহাটীত গুটখা মাফিয়া উদয় ছৌৰাছিয়াৰ গণপতি ট্ৰেড এণ্ড এজেঞ্চীত বিগত কিছুদিন পূৰ্বে জব্দ কৰা গুটখাৰ আঁত ধৰিয়ে বৰপেটাৰোডৰ বিষ্ণু ভদ্ৰৰ দোকানত অভিযান চলোৱা বুলি জানিবলৈ দিয়ে অভিযানকাৰী দলটোয়ে ৷

লগতে পঢ়ক: Jorhat theft incident: দিন দুপৰতে আলুৰ বস্তা চোৰ কৰি ধৰা পৰিল চোৰ