Allegation against Teacher: শিক্ষকৰ বিৰুদ্ধে বিদ্যালয়ৰ ছাত্ৰীক যৌন নিৰ্যাতনৰ গুৰুতৰ অভিযোগ

যোৰহাট, 5 ছেপ্টেম্বৰ : আজি শিক্ষক দিৱস ৷ শিক্ষক দিৱসৰ দিনাই এখন বিদ্যালয়ত উপস্থিত হ’ল আৰক্ষী ৷ সমগ্ৰ দেশে আজি পৱিত্ৰ শিক্ষক দিৱস পালন কৰি থকাৰ মাজতে দেৰগাঁৱৰ এখন স্কুলত সংঘটিত হৈছে এক অনাকাংক্ষিত ঘটনা ৷ দেৰগাঁৱৰ এখন ঐতিহাসিক শিক্ষা প্ৰতিষ্ঠান বিদ্যালয়ৰ ছাত্ৰীক শিক্ষকে যৌন নিৰ্যাতন কৰা ঘটনাক লৈ উচ্চ মাধ্যমিক বিদ্যালয়খনত উত্তপ্ত পৰিস্থিতিৰ সৃষ্টি হয়  । 

ফটো তোলাৰ চলেৰে এগৰাকী শিক্ষকে ছাত্ৰীগৰাকীৰ গোপন অংগত হাত দিছিল বুলি অভিযোগ উত্থাপন হৈছে । বিদ্যালয়খনৰ জনৈক আৰিফ ৰহমান নামৰ শিক্ষকগৰাকীৰ বিৰুদ্ধে উঠিছে যৌন নিৰ্যাতনৰ অভিযোগ । এই ঘটনাক কেন্দ্ৰ কৰিয়েই উত্তপ্ত পৰিৱেশৰ সৃষ্টি বিদ্যালয়খনত। এই ঘটনাৰ পিচত অভিভাৱকৰ লগতে স্থানীয় লোকেও বিদ্যালয়খনত ভিৰ কৰেহি ৷  

এই ঘটনাৰ খবৰ লাভ কৰি দেৰগাঁও আৰক্ষী ঘটনাস্থলীত উপস্থিত হৈ পৰিস্থিতিৰ নিয়ন্ত্ৰণ কৰে । শিক্ষকগৰাকীৰ এই ঘৃণনীয় কাণ্ডক সকলোৱে একেমুখে গৰিহনা দিছে ৷ 

লগতে পঢ়ক: Sivasagar murder case: যেতিয়া পৰিয়ালেই ঘাতক হয়; পত্নী, পুত্ৰ, কন্যাই হত্যা কৰিলে লোকক !