নগাঁৱত ঘৰৰ ভিতৰত হাত-ভৰি বন্ধা অৱস্থাত উদ্ধাৰ মহিলাৰ মৃতদেহ

নগাঁৱত চাঞ্চল্যকৰ হত্যাকাণ্ড (Sensational murder in Nagaon)। ঘৰৰ ভিতৰত হাত-ভৰি বন্ধা অৱস্থাত উদ্ধাৰ এগৰাকী মহিলাৰ মৃতদেহ । নগাঁও চহৰৰ হয়বৰগাঁৱৰ গোটলাইপট্টিত সংঘটিত হৈছে এই লোমহৰ্ষক ঘটনা (Woman body recovered)। ঘৰৰ ভিতৰত সকলো সামগ্ৰী ছেদেলিভেদেলি হৈ থকা অৱস্থাত পোৱা গৈছে । কাপোৰ, আলমিৰাৰ ভিতৰৰ অলংকাৰৰ বাকচ সকলোবোৰ খেলিমেলি হৈ থকাৰ বাবে ডকাইতৰ দলে মহিলাগৰাকীক হত্যা কৰি ধন, সোণ লুটি নিয়াৰ সন্দেহ কৰিছে আত্মীয়ই । ঘটনাস্থলীত নগাঁও আৰক্ষী উপস্থিত হৈ মৃতদেহটো উদ্ধাৰ কৰে । ইতিমধ্যে মহিলাগৰাকীৰ মৃতদেহটো মৰণোত্তৰ পৰীক্ষাৰ বাবে প্ৰেৰণ কৰা হৈছে । কিন্তু এই হত্যাত কোন জড়িত ? আত্মীয়ই সন্দেহ কৰাৰ দৰে এই হত্যাকাণ্ডত ডকাইত নে আন কোনো লোক জড়িত (Nagaon murder case) ? আৰক্ষীয়ে ইতিমধ্যে ঘটনাৰ তদন্ত আৰম্ভ কৰিছে । আৰক্ষীৰ সঠিক তদন্তত হে পোহৰলৈ আহিব ঘৰত অকলে থকা প্ৰায় ৫২ বছৰীয়া মহিলাগৰাকীক কোনে তেনেদৰে হত্যা কৰিলে ?