Road Accident: বলেৰ’ বাহনে মহতিয়ালে ব’ল বম যাত্ৰীৰ বাহন, 9 গৰাকী আহত

কলিয়াবৰ, 28 আগষ্ট : আজি শাওন মাহৰ শেষৰটো সোমবাৰ ৷ দেওবাৰে নিশা প্ৰায় 11 বজাত কলিয়াবৰৰ জখলাবন্ধাত মালবাহী বলেৰ’ বাহনে খুন্দিয়াই চোঁচৰাই নিয়ে এখন যাত্ৰীবাহী টেম্পো বাহন ৷ টেম্পোখনত ব’ল বমৰ কেইগৰাকীও যাত্ৰী আছিল ৷ এই দুৰ্ঘটনাত দুগৰাকী মহিলাসহ প্ৰায় 9 গৰাকী ব‘ল বমৰ ভক্ত আহত হৈছে ৷ 

ইয়াৰে এগৰাকী মহিলাসহ দুজনৰ অৱস্থা সংকটজনক বুলি জানিব পৰা গৈছে । আহত আটাইকে জখলাবন্ধা মহকুমা অসামৰিক চিকিৎসালয়ত ভৰ্তি কৰোৱা হৈছে । AS 12 AC 1703 নম্বৰৰ টেম্পোখনে ব'লবমৰ যাত্ৰী লৈ আমনিৰ পৰা জখলাবন্ধা হাতীমূৰা নদী ঘাটলৈ বুলি আহি আছিল। 

একে দিশৰ পৰা AS 12 CC 2043 নম্বৰৰ পাচলি ভৰ্তি বলেৰ’ পিক-আপ বাহনখনে জখলাবন্ধালৈ আহি থাকোঁতেই পিছফালৰ পৰা টেম্পোখনক প্ৰচণ্ড জোৰত খুন্দিয়াই কিছুদূৰ চোঁচৰাই নিয়ে। এই ঘটনাৰ পিচতে ঘটনাস্থলীত আৰক্ষী পলমকৈ উপস্থিত হোৱাৰ অভিযোগ উত্থাপন কৰে ৰাইজে ৷ 

লগতে পঢ়ক: Clash at ISBT Guwahati: বাছ চালকক প্ৰহাৰ উদণ্ড ছাত্ৰৰ; ক্ষোভিত চালক সন্থাৰ বিক্ষোভ