Road Mishap: পথ দুৰ্ঘটনা, শিশুসহ সাতজনৰ অৱস্থা সংকটজনক

মৰিয়নী, 19 ছেপ্টেম্বৰ : বিশ্বকৰ্মা পূজাৰ দিনাই যোৰহাট জিলাৰ মৰিয়নীত সংঘটিত হৈছে ভয়ংকৰ পথ দুৰ্ঘটনা। এই দুৰ্ঘটনাত তিনি শিশুসহ সাতগৰাকী লোকক সংকটজনক অৱস্থাত তিতাবৰ অসামৰিক চিকিৎসালয়ত ভৰ্তি কৰোৱা হৈছে । মৰিয়নীৰ পৰা তিতাবৰ দিশে গৈ অৱস্থাত খৰিকটীয়াত তীব্ৰবেগী কেঁচাপাত কঢ়িওৱা ট্ৰাকে মহতিয়াই নিয়ে এখন ই-ৰিক্সাক।

ই-ৰিক্সাখনত তিনিগৰাকী শিশুৰ লগতে চাৰিগৰাকী যাত্ৰীসহ এটা পৰিয়ালে ধাপাতবাৰীত পূজা দিবলৈ আহিছিল । কেঁচাপাত কঢ়িওৱা ট্ৰাকখনৰ খুন্দাত পথৰ কাষতে থকা এটা দ খাৱৈত পৰি যায় ই ৰিক্সাখন। এই দুৰ্ঘটনাত গুৰুতৰভাৱে আহত ই ৰিক্সাৰ আৰোহীসকলক সংকটজনক অৱস্থাত ততাতয়াকৈ তিতাবৰ এফ আৰ ইউ লৈ প্ৰেৰণ কৰা হৈছে । ইফালে দুৰ্ঘটনা সংঘটিত কৰিয়েই ঘটনাস্থলীৰ পৰা পলায়ন কৰে চাহপাত কঢ়িওৱা বাহনখন । 

আহতসকল হৈছে ক্ৰমে, মিঠুন মাহাতো, ৰিতা মাহাতো, কলচি মাহাতো, মমতা মাহাতো, ৰাখি মাহাতো (7), কাজল (6), ৰাকেশ মাহাতো(11) আৰু তিনি বছৰীয়া এটি শিশু ৷  ঘটনাস্থলীত মৰিয়নী আৰক্ষী আৰু তিতাবৰ আৰক্ষী উপস্থিত হয় ।

আনহাতে এই পথটোত নিশা হ'লেই একাংশ বাহনে দৌৰাত্ম্য চলোৱাৰ পিচতো মৰিয়নী আৰক্ষীয়ে কোনো ধৰণৰ ব্যৱস্থা গ্ৰহণ নকৰা অভিযোগ তুলি ৰাজপথতে মৰিয়নি আৰক্ষী মুদাবাৰ্দ ধ্বনি দিয়ে ক্ষোভিত ৰাইজে।

লগতে পঢ়ক: Gold Smuggler arrested : গুৱাহাটীত চোৰাং সোণসহ গ্ৰেপ্তাৰ মহিলাকে ধৰি চাৰিজনক