Road Accident: জামুগুৰিহাটৰ ধলাইবিলত পথ দুৰ্ঘটনাত নিহত এজন

চতিয়া, 8 জুলাই: শুকুৰবাৰে পুৱা শোণিতপুৰ জিলাৰ জামুগুৰিহাটৰ ধলাইবিলত সংঘটিত হয় এক ভয়ংকৰ পথ দুৰ্ঘটনা ৷ এখন চুইফট ডিজায়াৰে একে দিশতে গৈ থকা এখন ডাম্পাৰত খুন্দা মৰাৰ ফলতেই সংঘটিত হয় এই ভয়ংকৰ দুৰ্ঘটনা ৷ পথ দুৰ্ঘটনাটোত আঘাতপ্ৰাপ্ত 5 গৰাকীৰ এজনৰ মৃত্যু হয়, আন চাৰিজন গুৰুতৰভাৱে আঘাতপ্ৰাপ্ত হয় ৷

ঘটনা সন্দৰ্ভত জানিব পৰা মতে জামুগুৰিহাটৰ ধলাইবিলৰ লাইন হোটেলৰ সন্মুখত 15 নং ৰাষ্ট্ৰীয় ঘাইপথত সংঘটিত হয় এই ভয়ংকৰ পথ দুৰ্ঘটনাটো ৷ ডিব্ৰুগড়ৰৰ পৰা মঙলদৈ অভিমুখে আহি থকা AS 01 BG 9710 নম্বৰৰ চুইফট ডিজায়াৰখনে এখন ডাম্পাৰৰ পিছফালে খুন্দা মৰাৰ ফলত সংঘটিত হয় দুৰ্ঘটনাটো ৷ নিহত যুৱকজন ডিব্ৰুগড় বিশ্ববিদ্যালয়ৰ ছাত্ৰ লুকু শৰ্মা (22) বুলি জানিব পৰা গৈছে ৷

আহত সকলৰ ক্ৰমে অৰিন্দম শৰ্মা, ভূমিতা ভট্টাচাৰ্য, গীতাঞ্জলি শৰ্মা, কুশল‌ ডেকা বুলি জানিব পৰা গৈছে ৷ ইতিমধ্যে আহতসকলক উত্তৰ জামুগুৰি চিকিংসালয়ত প্ৰাথমিক চিকিংসা প্ৰদান কৰাৰ অন্তত উন্নত চিকিৎসাৰ তেজপুৰ মেডিকেল কলেজলৈ প্ৰেৰণ কৰা হয় ৷

লগতে পঢ়ক: APSC CCE 2022 : শোণিতপুৰ জিলাত প্ৰশাসনে জাৰি কৰিছে ১৪৪ ধাৰা