New Assamese film Raghav: তিনিচুকীয়াত জ্ঞান মহোৎসৱত ৰাঘৱৰ প্ৰচাৰ

তিনিচুকীয়া,১৫ অক্টোবৰ: সদৌ মৰাণ ছাত্ৰ সন্থাৰ তালাপ-কৰদৈগুৰি আঞ্চলিক সমিতিৰ উদ্যোগত অনুষ্ঠিত জ্ঞান মহোৎসৱত শনিবাৰে অংশগ্ৰহণ কৰে অসম চৰকাৰৰ তথ্য আয়ুক্ত তথা অসম আৰক্ষীৰ প্ৰাক্তন সঞ্চালক প্ৰধান ভাস্কৰ জ্যোতি মহন্তই । ১৪, ১৫ আৰু ১৬ অক্টোবৰত তিনিদিনীয়া কাৰ্যসূচীৰে অনুষ্ঠিত হৈছে এই জ্ঞান মহোৎসৱৰ । এতিয়া অজ্ঞানৰ বিৰুদ্ধে বিদ্ৰোহৰ সময় আহি পৰিছে ৷ ড্ৰাগছৰ বিৰুদ্ধে বিদ্ৰোহৰ সময় আহি পৰিছে বুলি উল্লেখ কৰি জ্ঞান মহোৎসৱত উপস্থিত থাকি আন কেইবাটাও গুৰুত্বপূৰ্ণ মন্তব্য কৰে অসম আৰক্ষীৰ প্ৰাক্তন সঞ্চালক প্ৰধান ভাস্কৰ জ্যোতি মহন্তই ।  

সমান্তৰালভাৱে ৰাজ্যত পূৰ্ণগতিত প্ৰচাৰ চলি থকা জনপ্ৰিয় অভিনেতা যতীন বৰাৰ দ্বাৰা পৰিচালনা কৰা ছবি ৰাঘৱৰ টীমেও অংশগ্ৰহণ কৰে তালাপ-কৰদৈগুৰিৰ উক্ত কাৰ্যসূচীত । পৰিচালক যতীন বৰা, অভিনেত্ৰী নিশিতা গোস্বামী, চুমি বৰাৰ লগতে টীম ৰাঘৱে উপস্থিত ৰাইজৰ সৈতে বাৰ্তালাপ কৰি ৰাঘৱৰ কিছু সংলাপ পৰিৱেশন কৰাৰ লগতে সকলোকে ২৭ অক্টোবৰত শুভমুক্তি লাভ কৰিব লগা ছবিখন চাবলৈ আহ্বান জনায় ৷ ইফালে প্ৰিয় অভিনেতা-অভিনেত্ৰীসকলক কাষত পাই আনন্দিত হৈ পৰে স্থানীয় ৰাইজ ৷  

লগতে পঢ়ক: Assamese Movie Raghav : মৰাণ মহাবিদ্যালয়ত পৰীক্ষাৰ মাজতে টীম ৰাঘৱৰ প্ৰচাৰ, বিভিন্ন মহলত প্ৰতিক্ৰিয়া