Rhino Attack at Kaliabor: কলিয়াবৰৰ শিলঘাটত গঁড়ৰ আক্ৰমণত আহত এজন

কলিয়াবৰ, 6 আগষ্ট: কলিয়াবৰৰ শিলঘাটত অঘটন ৷ কলিয়াবৰৰ অসম সমবায় মৰাপাট কলৰ সমীপত গঁড়ৰ আক্ৰমণত গুৰুতৰভাৱে আহত অসম সমবায় মৰাপাট কলৰ কৰ্মী লক্ষণ চৌধুৰী । ৰবৰবাৰীৰ ঘৰৰ পৰা লক্ষণ চৌধুৰীয়ে চাইকেলেৰে গৈ থকা অৱস্থাত গঁড়টোৱে আক্ৰমণ কৰে । শিলঘাট অসম সমবায় মৰাপাট কল সংযোগী পথতে এই ঘটনা । আহত লোকজনক জখলাবন্ধাস্থিত কলিয়াবৰ মহকুমা অসামৰিক চিকিৎসালয়লৈ প্ৰেৰণ কৰে ৷ আনহাতে উন্নত চিকি৹সাৰ বাবে তেজপুৰলৈ প্ৰেৰণ কৰে ।

প্ৰত‍্যক্ষদৰ্শীৰ মতে, পোৱালিসহ দুটা গঁড় উক্ত স্থানত আছিল । সেয়ে সমতে দুই গঁড় বিচৰন কৰি থকা সমীপৰ পথেৰে গৈ আছে লক্ষণ ৷ উল্লেখযোগ‍্য যে কেইমাহমান ধৰি শিলঘাটৰ বিভিন্ন স্থানত গঁড়ৰ উপস্থিতি দেখা পোৱা গৈছিল বুলি উল্লেখ কৰে স্থানীয় ৰাইজে ৷ 

লগতে পঢ়ক:Silsako Eviction: শিলসাঁকোৰ উচ্ছেদক লৈ আন্দোলন কৰা সকলৰ বিৰুদ্ধে কঠোৰ ব্যৱস্থা গ্ৰহণৰ নিৰ্দেশ মুখ্যমন্ত্ৰীৰ