Mob Lynching case: পুনৰ দলৱদ্ধ প্ৰহাৰ; মুমূৰ্ষু অৱস্থা পেলাই থৈ গ’ল আছু নেতাক

যোৰহাট, 3 মে’: যোৰহাটত পুনৰ অনিমেষ ভূঞাকাণ্ডৰ সদৃশ ঘটনা সংঘটিত হৈছে ৷ এইবাৰ যোৰহাটত দলৱদ্ধ আক্ৰমণৰ বলি ছাত্র নেতা (Mob Lynching case in Jorhat)৷ সংকটজনক অৱস্থাত যোৰহাট চিকিৎসা মহাবিদ্যালয়ত ভৰ্তি কৰা হৈছে জিলা ছাত্র সন্থাৰ সহকাৰী সম্পাদক বিতোপন বৰাক ৷ যোৰহাটৰ সেউজী পাৰত ছাত্ৰ সন্থাৰ বিষয়-ববীয়াজনক কোনো দুৰ্বৃত্তই আক্ৰমণ কৰে ( AASU leader brutally beaten in Jorhat)৷ ছাত্ৰ নেতাজনৰ ঘৰ যোৰহাটৰ চাৰিগাঁও ন বৰা চুকত । বৰ্তমানলৈকে মাৰপিটৰ কাৰণ জানিব পৰা হোৱা নাই (AASU leader mobbed in Jorhat)। 

এই ঘটনাৰ খবৰ পোৱাৰ পিচতে আৰক্ষী যোৰহাট চিকিৎসা মহাবিদ্যালয়ৰ ঘটনাস্থলীত উপস্থিত হৈছে ৷ আৰক্ষীয়ে ঘটনা সন্দৰ্ভত তদন্ত আৰম্ভ কৰিছে বুলি জানিব পৰা গৈছে ৷ ইফালে আঘাতপ্ৰাপ্ত নেতাজনে এতিয়ালৈ ঘটনা সন্দৰ্ভত একে ক’ব পৰা নাই কাৰণে ঘটনা সন্দৰ্ভত পুংখানুপুংখভাৱে একো জানিব পৰা নাই ৷ উল্লেখ্য যে, এটা বছৰ পূৰ্বে যোৰহাট মাৰোৱাৰীপট্টীত এদল দুৰ্বৃত্তৰ আক্ৰমণত প্ৰাণ হেৰুৱাইছিল আছু নেতা অনিমেষ ভূঞাই (Animesh Bhuyan murder case) ৷  

লগতে পঢ়ক: Jonai Land Dispute: মুনমুনি চাপৰিত ভূমি কেন্দ্ৰিক সংঘাত