বদৰুদ্দিন আজমল শ্ৰেষ্ঠ হ'লে শ্ৰেষ্ঠতাৰ সংজ্ঞা সলনি কৰিব লাগিব: অখিল গগৈ

টীয়ক, 7 জানুৱাৰী : আগন্তুক লোকসভা নিৰ্বাচনত যোৰহাট লোকসভা সমষ্টিৰ পৰা গৌৰৱ গগৈক সমৰ্থন কৰিব ৰাইজৰ দলে ৷ এই মন্তব্য ৰাইজৰ দলৰ সভাপতি তথা বিধায়ক অখিল গগৈৰ ৷ যোৰহাট লোকসভা সমষ্টিত বিৰোধী ঐক্য মঞ্চৰ হৈ গৈৰৱ গগৈয়ে নিৰ্বাচন খেলিব বুলি আশাবাদী অখিল গগৈ ৷ আজি টীয়কত উপস্থিত হৈ এইদৰে প্ৰতিক্ৰিয়া ব্যক্ত কৰে বিধায়কজনে ৷

ইফালে AIUDF ৰ বিধায়ক আশ্ৰাফুল হুছেইনে বদৰুদ্দিন আজমলক ভাৰতৰ শ্ৰেষ্ঠ সাংসদ বুলি কৰা মন্তব্যৰো প্ৰতিক্ৰিয়া প্ৰকাশ কৰে বিধায়কজনে ৷ তেওঁ কয় যে, বদৰুদ্দিন আজমল যদি শ্ৰেষ্ঠ সাংসদ হয় তেতিয়া হ'লে শ্ৰেষ্ঠতাৰ সংজ্ঞা সলনি কৰিব লাগিব ৷ লগতে তেওঁ কয় যে, বদৰুদ্দিন আজমল হিমন্ত বিশ্ব শৰ্মাৰ শ্ৰুতলিপিত চলে ৷ সাম্প্ৰদায়িক বিষবাষ্প বিয়পাই বদৰুদ্দিন আজমলে অসমীয়াৰ ঐক্য বিনষ্ট কৰাৰ চেষ্টা কৰিছে বুলি কয় অখিল গগৈয়ে ৷ ইফালে নগাঁৱত সাংবাদিক নিগ্ৰহৰ ঘটনাক লৈয়ো সৰৱ হৈ পৰে বিধায়ক অখিল গগৈ ৷ 

লগতে পঢ়ক : আজমলে সাম্প্ৰদায়িক মন্তব্য কৰি থকাটো বিজেপিয়ে বিচাৰে: গৌৰৱ গগৈ