Sex Assault: কাতি বিহুৰ আন্ধাৰৰ সুযোগ লৈ কিশোৰীক যৌন নিৰ্যাতন

আমগুৰি, ১৯ অক্টোবৰ: কাতি বিহুৰ সন্ধিয়া জঘন্য ঘটনা ৷ শিৱসাগৰৰ হালোৱাটিঙত যৌন নিৰ্যাতনৰ বলি হ’ল এক ৯ বছৰীয়া কিশোৰী ৷ বুধবাৰে কাতি বিহুৰ সন্ধিয়া আন্ধাৰৰ সুযোগ লৈ কিশোৰীগৰাকীক যৌন নিৰ্যাতন চলালে এজন যুৱকে ৷

ঘটনাৰ বিৱৰণ অনুসৰি, কাতি বিহুৰ সন্ধিয়া ৯ বছৰীয়া কিশোৰীগৰাকীয়ে মাহ-প্ৰসাদ খাই ঘৰলৈ অহাৰ সময়তে আন্ধাৰৰ সুযোগ গ্ৰহণ কৰি এজন যুৱকে কিশোৰীগৰাকীক যৌন নিৰ্যাতন চলায় ৷ কিশোৰীগৰাকীয়ে চিঞৰ বাখৰ কৰাত স্থানীয় লোকে কিশোৰীগৰাকীক উদ্ধাৰ কৰি হালোৱাটিং আৰক্ষীক অৱগত কৰে ।

এই ঘটনাৰ পিচতে অভিযুক্ত যুৱক ৰূপজ্যোতি শেনচোৱাই পলায়ন কৰিছিল যদিও স্থানীয় লোকৰ তৎপৰতাৰে কৰায়ত্ত কৰে । স্থানীয় লোকে যুৱকজনক উত্তম-মাধ্যম শোধাই গছত বান্ধি ৰাখে। 

পৰৱৰ্তী সময়ত হালোৱাটিং আৰক্ষীয়ে নিশাই যুৱকজনক গছত বান্ধি ৰখা অৱস্থাৰ পৰা উদ্ধাৰ কৰি আৰক্ষী থানালৈ লৈ আনে। ইতিমধ্যে আৰক্ষীয়ে যুৱকজনক গ্ৰেপ্তাৰ কৰি তদন্ত অব্যাহত ৰাখিছে ।

লগতে পঢ়ক: Nagaon theft incident : কাতি বিহুৰ উলহ-মালহৰ মাজতে নগাঁৱৰ মাহৰুলত ঘৰত চোৰৰ চাফাই অভিযান