BJP Workers Meets at Basugaon: বি পি এফৰ লগত নহয়, ইউ পি পি এলৰ সৈতে মিত্ৰতা আছে থাকিবই: জয়ন্ত মল্ল

চিৰাং, 6 নৱেম্বৰ : সোমবাৰে চিৰাঙৰ বাসুগাঁৱত বিজেপিৰ কাৰ্যকৰ্তা সন্মিলন অনুষ্ঠিত হয় ৷ উক্ত অনুষ্ঠানত উপস্থিত থাকে মন্ত্ৰী জয়ন্ত মল্ল বৰুৱা, বিধায়ক অজয় কুমাৰ ৰায়, বিধায়ক কৃষ্ণান্দু পাল আৰু চিৰাং জিলা বিজেপিৰ সভাপতি ৰিন্টু কুমাৰ দাস ।

সভাত অংশগ্ৰহণ কৰি মন্ত্ৰী বৰুৱাই কয় যে, ৰাইজৰ যথেষ্ট সহাৰি পাইছোঁ ৷ সেয়ে আমি নিশ্চিত যে কোকৰাঝাৰ লোকসভা সমষ্টিত বিজেপি মিত্ৰজোটৰ প্ৰাৰ্থীয়ে বিপুল ভোটত জয়ী হ’ব । আনহাতে প্ৰদেশ কংগ্ৰেছৰ সভাপতি ভূপেন বৰা আৰু বিধায়ক আফতাব উদ্দিন মোল্লাৰ বিৰুদ্ধে সৰৱ হয় পৰে মন্ত্ৰী বৰুৱা ৷ তেওঁ কয়, ‘‘তেওঁলোকে কেতিয়াবা কৃষ্ণক সন্ত্ৰাসবাদী আখ্যা দিয়ে ৷ আন কেতিয়াবা আকৌ সনাতনী সভ্যতাৰ বিৰুদ্ধে মাত মাতি ক্ষমাও খোজে । গতিকে তেওঁলোকৰ ভাষাৰ পৰা বুজা যায় যে তেওঁলোকৰ আচলতে ৰাজহুৱাভাৱে কথা কোৱাৰ যোগ্যতা নাই ।’’

মিত্ৰতাৰ প্ৰসংগত তেওঁ কয়, "আমাৰ ইউ পি পি এলৰ সৈতে মিত্ৰতা আছে আৰু থাকিব ৷ বি পি এফৰ সৈতে পূৰ্বতে আমাৰ মিত্ৰতা আছিল, এতিয়া নাই ৷" 

লগতে পঢ়ক:Illegal wood seized: পুষ্পাৰ ষ্টাইলত কাঠৰ চোৰাং বেহা খোদ বন বিষয়াৰ