মাজুলীলৈ গৌৰৱ কঢ়িয়াই আনিলে মিনাংক বৰুৱাই

মাজুলী, 18 জানুৱাৰী : কঠোৰ পৰিশ্ৰম আৰু একাগ্ৰতাৰ অধ্যয়নৰ ফলত যে সফলতা লাভ কৰিব পাৰি তাৰে প্ৰমাণ কৰিলে মাজুলীৰ মিনাংক বৰুৱাই ৷ উল্লেখ্য যে, সদ্য ঘোষিত অসম লোকসেৱা আয়োগৰ ২০২২ বৰ্ষৰ সংযুক্ত প্ৰতিযোগিতামূলক পৰীক্ষাত উত্তীৰ্ণ হৈ মাজুলীলৈ গৌৰৱ কঢ়িয়াই আনিলে মিনাংক বৰুৱাই ৷ ৰাজ্যৰ ভিতৰতে 413 নম্বৰ স্থান লাভ কৰিবলৈ সক্ষম হৈছে মাজুলীৰ মিনাংকই ৷

ইফালে মিনাংকই নিজৰ সফলতাৰ কৃতিত্ব দিলে পিতৃ-মাতৃক ৷ তেওঁ লগতে কয়, ‘‘ মই পূৰ্বেও এ পি এ চিৰ পৰীক্ষাত অৱতীৰ্ণ হৈছিলো ৷ কিন্তু উত্তীৰ্ণ হ’ব পৰা নাছিলো ৷ কিন্তু হতাশা নহয় পুনৰ অধ্যয়ন কৰি আছিলো ৷ অৱশেষত উত্তীৰ্ণ হ’লো ৷’’  আগন্তুক দিনত এ পি এ চিৰ পৰীক্ষা অৱতীৰ্ণ হ’বলগীয়া পৰীক্ষাৰ্থীসকলক উদ্দেশ্যি তেওঁ কয় যে, একাগ্ৰতাৰে অধ্যয়ন কৰিলে নিশ্চয় এদিন সফলতা লাভ কৰিব ৷

লগতে পঢ়ক : 13 দিনীয়া কাৰ্যসূচীৰে মাজুলীৰ মণিকাঞ্চন ৰংগক্ষেত্ৰত অসম ভাওনা সমাৰোহ ২০২৪