Man terror situation : বিদ্যালয়ৰ ভিতৰত উদণ্ড যুৱকৰ তাণ্ডৱ, ভাঙি চুৰমাৰ কৰিলে বিদ্যালয়ৰ আচবাব

ধেমাজি, 17 আগষ্ট : চিৰিপানী হাইস্কুলত উদণ্ড যুৱকৰ তাণ্ডৱ ৷ ভাঙি চুৰমাৰ কৰিলে বিদ্যালয়ৰ দৰ্জা খিৰিকী ৷ বুধবাৰে ধেমাজি সদৰৰ পৰা প্ৰায় ১৩ কিঃমিঃ দূৰত্বৰ চিৰাপানী অঞ্চলৰ এক মাত্ৰ উচ্চ শিক্ষা প্ৰতিষ্ঠান শ্ৰীপানী উচ্চতৰ মাধ্যমিক বিদ্যালয়ৰ তলা ভাঙি প্ৰৱেশ কৰে অজিত লালং নাম এজন উদণ্ড লোকে ৷ তাৰ পিচত কোনো কাৰণ নোহোৱাকৈ বিদ্যালয়খনত তাণ্ডৱ চলায় লোকজনে  ৷ বিদ্যালয়খনৰ খিৰিকী, দৰ্জা আদি আচবাব ভঙাৰ লগতে গছপুলি কাটি খাস্তাং কৰে লোকজনে ৷ 

এই ঘটনাৰ পিচতে সমগ্ৰ শ্ৰীপানীত তীব্ৰ প্ৰতিক্ৰিয়াৰ সৃষ্টি হয় ৷ স্থানীয় ৰাইজে এই ঘটনাৰ সন্দৰ্ভত আৰক্ষীক অৱগত কৰি ঘটনাৰ উচিত তদন্তৰ দাবী উত্থাপন কৰিছে ৷ ইতিমধ্যে লোকজনক বিদ্যালয়ৰ কৰ্তৃপক্ষৰ এজাহাৰ ভিত্তিত বৃহস্পতিবাৰে আৰক্ষীয়ে গ্ৰেপ্তাৰ কৰি সোধা পোছা কৰিছে বুলি জানিব পৰা গৈছে ৷

লগতে পঢ়ক: Anganwadi worker: অংগনৱাড়ী কৰ্মীৰ বিৰুদ্ধে গুৰুতৰ অভিযোগ