Drugs addict detained: ধেমাজি ন-পাম গাঁৱৰ ৰাইজে খেদি খেদি ধৰিলে ড্ৰাগছ সেৱনকাৰী

ধেমাজি, 15 মে’ : ধেমাজি ন-পাম গাঁৱৰ ৰাইজে খেদি খেদি ধৰিলে চাৰিটাকৈ ড্ৰাগছ সেৱনকাৰী ৷ ড্ৰাগছ লৈ থকা অৱস্থাতে ড্ৰাগছ আসক্ত আৰু ড্ৰাগছ ব্যৱসায়ীক ৰাইজে বহুদূৰ খেদি খেদি কৰায়ত্ত কৰিবলৈ সক্ষম হয় ৷ চাৰিটাক কৰায়ত্ত কৰে যদিও আন কেইবাটাও পলাই যাবলৈ সক্ষম হয় ৷ পিচত ধেমাজি সদৰ আৰক্ষীক খবৰ দিয়াত ঘটনাস্থলীত আৰক্ষী উপস্থিত হোৱাত ড্ৰাগছ সেৱনকাৰী চাৰি যুৱকক আৰক্ষীক গতাই দিয়ে ৰাইজে ৷ আটকাধীন ড্ৰাগছ সেৱনকাৰী কেইটা হৈছে চৌখাম গাঁৱৰ মিন্টু বৰুৱা আৰু উৎপল বৰা, গোহাঁই গাঁৱৰ বিকাশ বৰগোহাঁই আৰু শিলিখাগুৰিৰ কৃষ্ণ বৰুৱা (Dhemaji drugs news) ৷

ধৃত ড্ৰাগছ সেৱনকাৰীৰ পৰা আৰক্ষীয়ে জব্দ কৰে AS22B1367 নম্বৰৰ এখন মাৰুতি ইক' গাড়ী ৷ স্থানীয় ৰাইজে জনোৱা মতে গাওঁখনৰ আওঁহতীয়া পথটোত দীৰ্ঘদিন বহু যুৱকে অবাধে ড্ৰাগছ বিক্ৰী কৰাৰ লগতে ডাগছ ক্ৰয় কৰি অহা লক্ষ্য কৰি আহিছিল ৷ নৱপ্ৰজন্মৰ যুৱ চামক ড্ৰাগছ আসক্ত কৰি পংগু কৰিবলৈ বিচৰা কাৰ্যত ক্ষুব্ধ হৈ অৱশেষত স্থানীয় মিলি কৰায়ত্ত কৰিবলৈ সক্ষম হয় ড্ৰাগছৰ সৈতে জড়িত যুৱক কেইটাক (Drugs addict in Dhemaji) ৷ ইপিনে এই বিষয়ে ধেমাজি আৰক্ষীক বহুবাৰ অভিযোগ দি অহাৰ সত্বেও নপামৰ এই অঞ্চলত দৃষ্টি দিয়া নাছিল বুলি মন্তব্য কৰে ৰাইজে ৷

লগতে পঢ়ক : Drugs Seized : ডিব্ৰুগড়ত 18 লক্ষাধিক টকাৰ ড্ৰগাছসহ আটক সৰবৰাহকাৰী