কংগ্ৰেছৰ এতিয়া অস্তিত্ব নাই, মন্ত্ৰী জয়ন্ত মল্ল বৰুৱা

বঙাইগাঁও, 14 জানুৱাৰী : বঙাইগাঁও বৰপাৰাস্থিত বিজেপি কাৰ্যালয়ত শনিবাৰে উপস্থিত হয় অসম চৰকাৰৰ মন্ত্ৰী জয়ন্ত মল্ল বৰুৱা ৷ মন্ত্ৰীগৰাকীৰ উপস্থিতিত সমষ্টিভিত্তিক বিশেষ সাংগঠনিক সভা অনুষ্ঠিত হয় । আগন্তুক লোকসভা নিৰ্বাচনৰ বাবে বঙাইগাঁও বিধানসভা সমষ্টিৰ তত্বাৱধায়ক হিচাবে দায়িত্ব দিয়া হৈছে মন্ত্ৰী জয়ন্ত মল্ল বৰুৱাক আৰু সেইবাবেই এই সভা অনুষ্ঠিত কৰা হয় ।

সভাৰ অন্তত সংবাদমেল সম্বোধন কৰে মন্ত্ৰী বৰুৱাই । সংবাদমেলত কংগ্ৰেছৰ সন্দৰ্ভত মন্তব্য প্ৰকাশ কৰি বৰুৱাই কয়, "কংগ্ৰেছ কেৱল মিঞাৰ মাজত বাচি আছে ৷ কংগ্ৰেছৰ এতিয়া অস্তিত্ব নাই ।" মৌলানা বদৰুদ্দিন আজমল সন্দৰ্ভত মন্ত্ৰীগৰাকীয়ে কয় যে আজমলৰ কথাৰ পৰা অসমীয়া মানুহে শিকিব লাগে । বৰপেটা লোকসভাত বিজয় নিশ্চিত বুলি দাবী কৰি বৰপেটাত অগপই খেলিব নে বিজেপিয়ে খেলিব সেয়া এতিয়ালৈকে ঠিক হোৱা নাই বুলি সংবাদ মাধ্যমৰ আগত কয় ৷

বিশিষ্ট বুদ্ধিজীৱী হীৰেন গোহাঁই সন্দৰ্ভতো প্ৰতিক্ৰিয়া আগবঢ়ায় মন্ত্ৰীগৰাকীয়ে কয় যে হীৰেন গোহাঁইৰ বৰ্তমান কোনো প্ৰাসংগিকতা নাই ৷

লগতে পঢ়ক: যি ফালে যাবলৈ বিচাৰিছো সেইফালেই চৰকাৰে বন্ধ কৰি দিছে পথ : ভূপেন বৰা