Illegal Burmese Supari seized: বঙাইগাঁৱত বৃহৎ পৰিমাণৰ বাৰ্মিজ চুপাৰি জব্দ

বঙাইগাঁও, ১৬ নৱেম্বৰ: ৰাজ্যত অব্যাহত বাৰ্মিজ চুপাৰিৰ ক'লা বেহা । আৰক্ষী প্ৰশাসন কঠোৰ হোৱাৰ পাছতো নিতৌ চলি আছে বাৰ্মিজ চুপাৰিৰ ৰমৰমীয়া বেহা । ইয়াৰ মাজতে পুনৰ বঙাইগাঁও জিলাৰ নিউ বঙাইগাঁও ৰে'লৱে ষ্টেচনত জব্দ কৰা হয় বৃহৎ পৰিমাণৰ বাৰ্মিজ চুপাৰি । নিউ বঙাইগাঁও ৰে'ল আৰক্ষীয়ে অভিযান চলাই জব্দ কৰে প্ৰায় ১৪০ বস্তা অবৈধ বাৰ্মিজ চুপাৰি ।  

গোপন সূত্ৰৰ পম খেদি অভিযান চলাই জিআৰপিয়ে জব্দ কৰে এই চুপাৰিখিনি । ডিমাপুৰৰ পৰা নিউ জলপাইগুৰিলৈ সৰবৰাহ কৰাৰ চেষ্টা চলাওতেই আৰক্ষীয়ে জব্দ কৰে চুপাৰিখিনি । উল্লেখ্য যে নামনিমুৱা দুখনকৈ ৰাজধানী এক্সপ্ৰেছত অভিযান চলাই চুপাৰিখিনি জব্দ কৰা হয়  । অধিক তথ্যৰ সন্ধানত আৰক্ষীয়ে অব্যাহত ৰাখিছে অভিযান ।  

লগতে পঢ়ক: Burmese supari seized: খটখটিত বৃহৎ পৰিমাণৰ বাৰ্মিজ চুপাৰি জব্দ