Heroin Seized in Diphu : লাহৰিজানত এক কোটি টকাৰ হেৰ’ইন জব্দ

ডিফু, ২৯ অক্টোবৰ: অসম-নাগালেণ্ড সীমান্তৰ লাহৰিজানত পুনৰ উদ্ধাৰ হৈছে বুজন পৰিমানৰ হেৰ’ইন ৷ দেওবাৰে পুৱাৰ ভাগত কাৰ্বি আংলং আৰক্ষীৰ এক সূত্ৰ অনুসৰি জানিব পৰা মতে শনিবাৰে নিশা প্ৰায় ৮ বজাত AS26E2081 নম্বৰৰ এখন এক্স ইউ ভি বাহনৰ পৰা জব্দ কৰে ৫০ পেকেট হেৰ’ইন ৷ মণিপুৰৰ পৰা গুৱাহাটী অভিমুখে গৈ থকা অৱস্থাত লাহৰিজান আৰক্ষীৰ তালাচীত গাড়ীখনৰ পৰা জব্দ কৰা হয় চাবোনৰ বাকচত ভৰাই অনা হেৰ’ইনৰ পেকেটকেইটা । 

সৰবৰাহকাৰীয়ে হেৰ’ইনখিনি গাড়ীৰ ভিতৰত গোপন কক্ষত ভৰাই অতি কৌশলেৰে সৰবৰাহৰ চেষ্টা চলাইছিল ৷ আৰক্ষীয়ে হেৰ’ইনসহ গ্ৰেপ্তাৰ কৰে মহম্মদ আনচ নামৰ ইম্ফলৰ ২৪ বছৰীয়া এজন যুৱকক ৷ জব্দকৃত হেৰ’ইনখিনি ওজন প্ৰায় ৬৩৭ গ্ৰাম ৷ হেৰ’ইনখিনিৰ বজাৰ মূল্য প্ৰায় এক কোটিৰো অধিক হ’ব বলি অনুমান কৰা হৈছে ৷

লগতে পঢ়ক: Husband attack wife face : সন্দেহৰ বশৱৰ্তী হৈ পত্নীৰ মুখত ব্লেডেৰে অকিয়ালে স্বামীয়ে