মেৰেৰচৰ উচ্চতৰ মাধ্যমিক বিদ্যালয়ৰ সোণালী জয়ন্তী বৰ্ষৰ স্বৰ্ণ সৌৰভ

বঙাইগাঁও, ৯ ডিচেম্বৰঃ বঙাইগাওঁ জিলাৰ মেৰেৰচৰ উচ্চতৰ মাধ্যমিক বিদ্যালয়ৰ সোণালী জয়ন্তী বৰ্ষৰ স্বৰ্ণ সৌৰভ সামৰণি অনুষ্ঠানৰ দ্বিতীয় দিনাৰ কাৰ্যসূচীত কেইবাগৰাকী বিশিষ্ট ব্য়ক্তিক সম্বৰ্ধনা জ্ঞাপন কৰা হয় । দ্বিতীয় দিনাৰ কাৰ্যসূচী মতে, পূৱা ১১ বজাত আন্তঃবিদ্যালয় কুইজ প্ৰতিযোগিতা, আবেলি ১ বজাৰ পৰা ভূমিদাতা আৰু পৃষ্ঠপোষক পৰিয়ালক সম্বৰ্ধনা জনোৱা হয় ।  

ইপিনে,দিনৰ ৩ বজাৰ পৰা তছিম উদ্দিন আহমেদৰ সঞ্চালনাত "চৰ-চাপৰিৰ নাৰী সবলীকৰণত লিংগ বৈষম্যই অন্তৰায় " শীৰ্ষক আলোচনা চক্ৰ অনুষ্ঠিত হয় । এই আলোচনা চক্ৰ উদ্বোধন কৰে অধিবক্তা পাৰভেজ ৰহমানে । আলোচক হিচাপে অংশগ্ৰহণ কৰে ড৹ ছাহজাহান আলী আহমেদ, ড৹ নুৰ ৰহমান ভূঞা আৰু ড৹মৰমী বৰঠাকুৰ তালুকদাৰে । ইপিনে,সন্ধিয়া ৬ বজাত ৰবীন বনিক্য সোঁৱৰণী মঞ্চত অনুষ্ঠিত হয় বৰ্ণাঢ্য সাংস্কৃতিক সন্ধিয়া ।

লগতে পঢ়ক:কংগ্ৰেছী সাংসদৰ ঘৰত ৩০০ কোটি টকা উদ্ধাৰক লৈ বৰপেটাত বিজেপিৰ প্ৰতিবাদ