Fake gold boat seized: বৰপেটাত নকল সোণৰ নাওসহ গ্ৰেপ্তাৰ প্ৰৱঞ্চক

লখিমপুৰৰ নকল সোণৰ নাও প্ৰস্তুত কৰা প্ৰৱঞ্চক চক্ৰই ৰাজ্যত মেলিছে প্ৰৱঞ্চনাৰ জাল ৷ মাটি খান্দোতে সোণৰ নাও পোৱা বুলি ভুৱা প্ৰচাৰ চলাই গ্ৰাহকক জালত পেলাই প্ৰৱঞ্চকৰ দলটোৱে ৷ লখিমপুৰৰ পৰা আহি ৰাজ্যৰ ভিন্ন স্থানত বাহৰ পাতিছে প্ৰৱঞ্চকৰ দলটোৱে ৷ এই দলটোৰ সন্ধানত বহুদিনৰে পৰা আৰক্ষীয়ে চলাই গৈছিল অভিযান ৷ আজি বৰপেটা আৰক্ষীয়ে অভিযান চলাই নকল সোণৰ নাওসহ গ্ৰেপ্তাৰ কৰে এটা প্ৰৱঞ্চকক (Fake gold boat seized in Barpeta) ৷ বৰপেটা আৰক্ষীয়ে গ্ৰেপ্তাৰ কৰা প্ৰৱঞ্চকটো লখিমপুৰ ম'হঘুলিৰ ছাইফুল ইছলাম (Fraudster arrested with fake gold boat) ৷ আন দুই সহযোগীৰ সৈতে ধৃত প্ৰৱঞ্চক ছাইফুলে বৰপেটাৰ সৰুক্ষেত্ৰীৰ পাকা বেতবাৰীৰ এঘৰত বাহৰ পাতি নকল সোণৰ নাও বিক্ৰীৰ চেষ্টা চলাই থকাৰ সময়তে নকল সোণৰ নাওসহ প্ৰৱঞ্চকটোক গ্ৰেপ্তাৰ কৰে আৰক্ষীয়ে ৷ অৱশ্যে আৰক্ষীৰ অভিযানৰ মাজতে আন দুটা প্ৰৱঞ্চকে পলায়ন কৰিবলৈ সক্ষম হয় ৷