২৪ ঘণ্টাৰ ভিতৰত তেজপুৰ চহৰত দুটাকৈ অগ্নিকাণ্ডৰ ঘটনা

তেজপুৰ, ২১ নৱেম্বৰ : যোৱা ২৪ ঘণ্টাৰ ভিতৰত তেজপুৰ চহৰত দুটাকৈ অগ্নিকাণ্ডৰ ঘটনা সংঘটিত হয় । তেজপুৰ চহৰৰ বাৰহলীয়া অজন্তা ক্লাবৰ সমীপত প্ৰশান্ত বেনাৰ্জীৰ ঘৰত বৈদ্যুতিক চৰ্ট চাৰ্কিটৰ ফলত অগ্নিকাণ্ডৰ সংঘটিত হয় । এই অগ্নিকাণ্ডত ঘৰৰ চিলিঙৰ বিস্তৰ ক্ষতি সাধন হয় ।

দৰং মহাবিদ্যালয়ৰ সমীপত অজন্তা ক্লাবৰ কাষত থকা বেনাৰ্জী ঘৰত নথকাৰ সময়তে চুবুৰীয়া লোকে জুইৰ ফিৰিঙতি দেখা পাই । স্থানীয় ৰাইজে লগে লগে অগ্নিনিৰ্বাপক বাহিনীক খবৰ দিয়ে । ইয়াৰ পিচতেই অগ্নিনিৰ্বাপক বাহিনীৰ তিনিখন বাহন  ঘটনাস্থলীত উপনীত হৈ জুই নিৰ্বাপিত কৰে ।   তিনিখন বাহন ঘটনাস্থলীত উপনীত হৈ জুই নিৰ্বাপিত কৰাৰ ফলত সমীপত থকা ঘৰ-দুৱাৰ আদি ধ্বংস হোৱাৰ পৰা ৰক্ষা পৰে ।  

লগতে পঢ়ক:তেজপুৰ বিশ্ববিদ্যালয়ৰ অতিথিশালাত অগ্নিকাণ্ড