Bagh Hazarika controversy: সাহিত্যিক ইছমাইল হুছেইনৰ বিৰুদ্ধে এজাহাৰ দাখিল হিন্দু সুৰক্ষা সেনাৰ

বিশিষ্ট সাহিত্যক ইছমাইল হুছেইনৰ (litterateur Ismail Hussain) বিৰুদ্ধে সৰৱ হৈছে হিন্দু সুৰক্ষা সেনা অসম (Hindu Suraksha Sena) ৷ মুখ্যমন্ত্ৰী হিমন্ত বিশ্ব শৰ্মাই বাঘ হাজৰিকা সন্দৰ্ভত কৰা মন্তব্যক কটাক্ষ কৰি বিশিষ্ট সাহিত্যিক ইছমাইল হুছেইনে "বাঘ হাজৰিকা যদি নাই লাচিত বৰফুকনো নাই" বুলি মন্তব্য প্ৰকাশ কৰিছিল (Bagh Hazarika controversy)৷ ইয়াৰ পিছতে জাঙুৰ খাই উঠিছে হিন্দু সুৰক্ষা সেনা (FIR against litterateur Ismail Hussain in Barpetaroad) ৷ মঙলবাৰে হিন্দু সুৰক্ষা সেনাই সাহিত্যিক ইছমাইল হুছেইনৰ বিৰুদ্ধে বৰপেটাৰোড আৰক্ষী থানাত এখন এজাহাৰ দাখিল কৰে (FIR against litterateur Ismail Hussain) ৷ হিন্দু সুৰক্ষা সেনা অসমৰ কেন্দ্ৰীয় সমিতিৰ সাধাৰণ সম্পাদক কাঞ্চন দেবনাথে এজাহাৰ দাখিল কৰি কয়- "লাচিত বৰফুকনে বৰঅসমক ১৭ বাৰ মোগলক আক্ৰমণৰ পৰা ৰক্ষা কৰিছিল আৰু সেই লাচিত বৰফুকনক ইছমাইল হুছেইনৰ দৰে ব্যক্তিয়ে বিৰূপ মন্তব্য কৰিবলৈ ক’ত সাহস পালে ?" সাহিত্যিক ইছমাইল হুছেইনৰ বিৰুদ্ধে অসম আৰক্ষীক কঠোৰ ব্যৱস্থা ল’বলৈ দাবী জনাই সংগঠনটোৰ সাধাৰণ সম্পাদকগৰাকীয়ে ৷