ডাঠ কুঁৱলীৰ বাবে অফলামুখ-নিমাতীৰ মাজত ফেৰী চলাচলত বাধা

মাজুলী, 15 ডিচেম্বৰ : ডাঠ কুঁৱলীৰ বাবে অফলামুখ-নিমাতী ঘাটৰ মাজত ফেৰী চলাচলত ব্যাপক বাধাৰ সন্মুখীন হ’বলগীয়া হৈছে । যাৰ ফলশ্ৰুতিত বৰ্তমান অফলামুখ ঘাটতে ৰখাই থোৱা আছে ফেৰীসমূহ। নদী পাৰ হ’বলৈ যাত্ৰী আহিছে যদিও নৈত কুঁৱলীৰ আৱৰণ নকমা পৰ্যন্ত নিমাতী অভিমুখে ফেৰীসেৱা মুকলি নহয় বুলি জানিবলৈ দিছে আভ্যন্তৰীণ জল পৰিবহন বিভাগৰ লোকে । 

শুকুৰবাৰে পুৱা 7.30 বজাতে যাবলগীয়া ফেৰী বাতৰি সংগ্ৰহ কৰা পৰ্যন্ত ঘন কুঁৱলীৰ বাবে যাব পৰা নাই । যাত্ৰীৰ জীৱনৰ সুৰক্ষাৰ প্ৰতি লক্ষ্য ৰাখি ফেৰী চলাচল কৰিবলৈ দিয়া নাই আভ্যন্তৰীণ জল পৰিবহন বিভাগৰ ফালৰ পৰা জানিবলৈ দিয়া হৈছে ৷ এনে ডাঠ কুঁৱলীত যাত্ৰী লৈ গ’লে জলপথত বিঘিনি ঘটাৰ সম্ভাৱনা আছে বুলিয়েই সময় পাৰ হৈ গ’লেও ফেৰী নচলে বুলি মত প্ৰকাশ কৰিছে আভ্যন্তৰীণ জল পৰিবহন বিভাগৰ লোকে ৷ 

লগতে পঢ়ক: বিৰোধী ঐক্যমঞ্চত হৈছে নেকি সংঘাতৰ সূত্ৰপাত ?