Father attacks son: মাতৃক বচাবলৈ যোৱা পুত্ৰক ছুৰীকাঘাত পিতৃৰ

নগাঁও, 1 নৱেম্বৰ : নগাঁও জিলাৰ ডিফলুত ভয়ংকৰ ঘটনা সংঘটিত হৈছে ৷ পিতৃৰ ছুৰীকাঘাতত গুৰুতৰভাৱে আহত হৈছে পুত্ৰ। কথমপি প্ৰাণ ৰক্ষা পৰে পুত্ৰৰ ৷ পুত্ৰক আক্ৰমণকাৰী পিতৃৰ নাম প্ৰবীণ বৰা বুলি জানিব পৰা গৈছে ৷

জানিব পৰা অনুসৰি, প্ৰবীণ বৰা ওৰফে শিশুৰামে পত্নী প্ৰণতি বৰাক দীৰ্ঘদিন ধৰি নিৰ্যাতন চলাই আহিছিল ৷ মঙলবাৰে নিশাও তেনেদৰে স্বামী-স্ত্ৰীৰ মাজত হোৱা কাজিয়াই ভয়ংকৰ ৰূপ লৈছিল ৷ মহিলাগৰাকীক স্বামীয়ে প্ৰহাৰ কৰাৰ ফলত তেওঁ গুৰুতৰভাৱে আহত হৈছিল ৷ আহত মহিলাগৰাকীয়ে পুত্ৰক লগত চিকিৎসালয়লৈ যাবলৈ ঘৰলৈ মাতি পঠিয়াইছিল ৷ কিন্তু পুত্ৰ অহাত দেৰি হোৱাত মহিলাগৰাকীয়ে অকলেই চিকিৎসালয়লৈ যায়, তেওঁ ঘৰ উভতে মানে ইফালে পিতৃয়ে পুত্ৰক পেটত ছুৰীকাঘাত কৰে ৷ এই ঘটনা সংঘটিত কৰি পিতৃয়ে ঘৰৰ পৰা পলায়ন কৰে ৷  লগে লগে মাতৃয়ে গুৰুতৰভাৱে আহত চিন্ময়ক নগাঁও মেডিকেল কলেজত ভৰ্তি কৰে । 

সম্প্ৰতি পলাতক প্ৰবীণ বৰা ওৰফে শিশুৰামক বিচাৰি আৰক্ষীয়ে অভিযান চলাইছে ৷ ইতিমধ্যে ঘটনা সন্দৰ্ভত ভুক্তভোগী মহিলাগৰাকীয়ে গোচৰ ৰুজু কৰিছে ৷ 

লগতে পঢ়ক: Talibani Punishment : সামান্য কথাতে ছাত্ৰক তালিবানী শাস্তি শিক্ষকৰ