Eid Ul Fitr 2023: ৰাজ্যজুৰি পবিত্ৰ ঈদ উল ফিটৰ উদযাপন

টীয়ক/নগাঁও, 22 এপ্ৰিল : আজি ইছলাম ধৰ্মাৱলম্বীসকলৰ পবিত্ৰ ঈদ-উল-ফিটৰ (Eid Ul Fitr 2023)৷ দেশৰ ভিন্ন প্ৰান্তৰ লগতে অসমৰো ভিন্ন প্ৰান্তত অতি উলাহ মালহেৰে আয়োজন কৰা হৈছে ঈদ ৷ ঐতিহাসিক টীয়কৰ কাকজান ৰাজহুৱা ঈদগাহ ময়দানত পুৱা 9 বজাত প্ৰায় দহ হাজাৰ লোকৰ সমাৱেশেৰে অনুষ্ঠিত হয় ঈদৰ সমূহীয়া নামাজ ।

ঈদৰ বিশেষ নামাজ পাঠ কৰাৰ অন্তত ইমামে ঈদ-উল-ফিটৰৰ তাৎপৰ্য বৰ্ণনা কৰাৰ উপৰিও শেষত বিশ্ব শান্তিৰ লগতে সমাজত ঐক্য সম্প্ৰীতি তথা ভাতৃত্ববোধ অক্ষুণ্ণ থকাৰ আশাৰে আল্লাহৰ ওচৰত প্ৰাৰ্থনা কৰে (Eid Ul Fitr 2023 celebrates at Teok)।

ৰাজ্যৰ বিভিন্ন প্ৰান্তৰ লগতে নগাঁৱৰো বিভিন্ন ঈদগাহত অনুষ্ঠিত হয় ঈদ উল ফিটৰৰ সমূহীয়া নামাজ (Eid Ul Fitr 2023 celebrates in Nagaon)। ঈদ উল ফিটৰৰ নামাজত বিশ্ব শান্তিৰ বাবে সমূহীয়া দুৱাও অনুষ্ঠিত কৰা হয় । জুৰীয়াৰ ঈদৰ নামাজত অংশগ্ৰহণ কৰে মহিলায়ো ।

লগতে পঢ়ক : Eid Ul Fitr in Guwahati: মাছখোৱাত ঈদগাহ ময়দানত ৫ হাজাৰৰ একেলগে নামাজ আদায়