Drugs seized: একাংশৰ বাবে ইজি মানিৰ আন এক নাম- ড্ৰাগছৰ বেপাৰ

বৰপেটা, 6 নৱেম্বৰ: ৰাজ্যজুৰি অব্যাহত আছে ড্ৰাগছ বিৰোধী অভিযান ৷ ইয়াৰ সমান্তৰালকে ড্ৰাগছৰ বিৰুদ্ধে অভিযান অব্যাহত আছে বৰপেটা আৰক্ষীৰ। দেওবাৰে বিয়লি বৰপেটাৰ খান্দৰপাৰত বৃহৎ পৰিমাণৰ ড্ৰাগছ জব্দ কৰা হয় ৷ 

জানিব পৰা অনুসৰি এক গোপন সূত্ৰৰ পম খেদি বৰপেটাৰ খান্দৰপাৰত কয়াকুছি আৰক্ষীয়ে অভিযান চলাই পাঁচটা চাবোনৰ বাকচৰ পৰা 50 গ্ৰাম ড্ৰাগছ জব্দ কৰে ৷ ধৃত ড্ৰাগছ ব্যৱসায়ীটো উত্তৰ কালজাৰ গাঁৱৰ মকবুল আলীৰ পুত্ৰ জাফৰ আলী বুলি জানিব পৰা গৈছে। সম্প্ৰতি আৰক্ষীয়ে ধৃত অভিযুক্তটোত সোধা পোছা অব্যাহত ৰাখিছে ৷ 

এই অভিযানে অঞ্চলটোত ড্ৰাগছ মাফিয়াৰ বিভিন্ন কাৰ্যকলাপ সক্ৰিয় হৈ থকাৰ খবৰ পোহৰলৈ আনিছে ৷ অনাগত দিনত আৰক্ষী প্ৰশাসন তদন্তত অন্যান্য ড্ৰাগছ মাফিয়াও আটক হ’ব বুলি গাঁওবাসীয়ে আশা প্ৰকাশ কৰিছে ৷

লগতে পঢ়ক: Cyber Criminal arrested: পুনৰ মৰিগাঁও আৰক্ষীৰ জালত চাইবাৰ অপৰাধী