Anti Drugs mission in Assam: ডিব্ৰুগড়ৰ নিজ মানকটাত ড্ৰাগছসহ গ্ৰেপ্তাৰ তিনি সৰবৰাহকাৰী

মৰাণ, ১৭ ছেপ্টেম্বৰ: ডিব্ৰুগড় আৰক্ষীয়ে ড্ৰাগছৰ বিৰুদ্ধে তীব্ৰ অভিযান চলাই থকা পাছতো জিলাখনত সৰবৰাহ বন্ধ হোৱা নাই । ড্ৰাগছৰ বিৰুদ্ধে চলাই থকা অভিযানৰ মাজতে আজি ডিব্ৰুগড়ত নিষিদ্ধ ড্ৰাগছ জব্দ কৰে আৰক্ষীয়ে । নিজ মানকটাৰ সুন্দপুৰত জব্দ ৬.৫ গ্ৰাম ড্ৰাগছ । AS 06 AJ 4595 নম্বৰৰ বাহনখনৰ সৈতে দীপাংকৰ বুঢ়াগোহাঁই, ৰাহুল গগৈ আৰু প্ৰহ্লাদ শেনছোৱাক গ্ৰেপ্তাৰ কৰিছে আৰক্ষীয়ে ।  

ধনঞ্জয় মাহাতু নামৰ লোকজনৰ ভাড়াঘৰৰ পৰা জব্দ কৰে এই ড্ৰাগছখিনি । সোণোৱাল কছাৰী ছাত্র সন্থাৰ নেতৃত্বত ডিব্ৰুগড় নগৰ আৰক্ষী পৰিদৰ্শক প্ৰদীপ বৰা আৰু মিলন নগৰ আৰক্ষী চকীৰ ভাৰপ্ৰাপ্ত বিষয়া ৰিতুৰাজ দাসৰ নেতৃত্বত চলিছিল এই অভিযান । উক্ত ভাড়াঘৰটোত দীৰ্ঘদিনৰ পৰা ড্ৰাগছ, সুৰাৰ আড্ডাৰ লগতে অনৈতিক কাৰ্য চলি অহাৰ অভিযোগ উত্থাপন কৰিছে অঞ্চলটোৰ ৰাইজে । 

লগতে পঢ়ক: Goalpara civil hospital: গোৱালপাৰা অসামৰিক চিকিৎসালয়ত নাৰ্ছৰ বিৰুদ্ধে ধনদাবীৰ অভিযোগ