উৰিয়ামঘাট বাপ্তিষ্ট চাৰ্ছৰ হীৰক জয়ন্তী উদযাপন

সৰুপথাৰ, 31 ডিচেম্বৰ : 1948 চনতে প্ৰতিষ্ঠা লাভ কৰা উৰিয়ামঘাট গেলাজান অঞ্চলৰ বাপ্তিষ্ট চাৰ্ছে সম্পূৰ্ণ কৰিলে 75 বছৰ ৷ 75 বছৰ সম্পূৰ্ণ হোৱা উপলক্ষে অতি উলহ-মালহেৰে উদযাপন কৰা হৈছে হীৰক জয়ন্তী মহোৎসৱ ৷ 29 ডিচেম্বৰৰ পৰা তিনিদিনীয়াকৈ বিভিন্ন কাৰ্যসূচীৰে উদযাপন কৰা উৰিয়ামঘাট বাপ্টিষ্ট চাৰ্ছৰ হীৰক জয়ন্তী ৷  

দেওবাৰে পুৱা হীৰক জয়ন্তী উপলক্ষে বাহিৰ কৰা হয় এক সাংস্কৃতিক শোভাযাত্ৰা ৷ শোভাযাত্ৰাত বাপ্তিষ্ট মণ্ডলীৰ লগতে স্থানীয় বহুকেইটা জাতি-জনগোষ্ঠীৰ দলে জাতীয় সাজপাৰ পৰিধান কৰি তেওঁলোকৰ  নিজা নিজা কলা কৃষ্টি প্ৰদৰ্শন কৰে ৷ শোভাযাত্ৰাৰ পিছতে মুকলি সভা, স্মৃতিগ্ৰন্থ উন্মোচনকে ধৰি নানান সাংস্কৃতিক অনুষ্ঠানৰ আয়োজন কৰা হয় ৷ এই অনুষ্ঠানত মহকুমাটোৰ বিশিষ্ট ব্যক্তিসকল উপস্থিত থাকে ৷ 

লগতে পঢ়ক : ঐতিহাসিক চৰাইদেউ মৈদাম ক্ষেত্ৰত চৰাইদেউ মহোৎসৱৰ আয়োজন