Diamond Jubilee Celebration: দেৱীচৰণ বৰুৱা উচ্চ মাধ্যমিক বালিকা বিদ্যালয়ৰ হীৰক জয়ন্তী উদযাপন

যোৰহাটৰ স্ত্ৰী শিক্ষাৰ প্ৰাণকেন্দ্ৰ দেৱীচৰণ বৰুৱা উচ্চ মাধ্যমিক বালিকা বিদ্যালয়ৰ হীৰক জয়ন্তী উদযাপন বৰ্ষ আজিৰে পৰা আৰম্ভ (Devicharan Baruah Girls HS School) । ১৯৪৮ চনত স্থাপিত হৈছিল দেৱীচৰণ বৰুৱাৰ উচ্চ মাধ্যমিক বালিকা বিদ্যালয়খন ৷ সেয়েহে বিদ্যালয়খনে উলহ-মালহৰে পালন কৰিছে হীৰক জয়ন্তী বৰ্ষ । হীৰক জয়ন্তী উপলক্ষ্যে বিদ্যালয়খনত আয়োজন কৰা হৈছে বিভিন্ন কাৰ্যসূচীৰ (Diamond Jubilee Celebration of Devi Charan Baruah Girls Higher Secondary School) ৷ আজি হীৰক জয়ন্তীৰ কাৰ্যসূচীৰ শুভাৰম্ভণি কৰে যোৰহাট সদৰ সমষ্টি বিধায়ক হিতেন্দ্ৰ নাথ গোস্বামীয়ে । তাৎপৰ্যপূৰ্ণ যে যোৰহাটৰ অন্যতম ঐতিহ্যপূৰ্ণ স্ত্ৰী শিক্ষাৰ অগ্ৰনী অনুষ্ঠান হৈয়ো বিদ্যালয়খনে বছৰ বছৰ ধৰি উন্নত গৃহ ব্যৱস্থা তথা আন্তঃগাঁথনিৰ অভাৱৰ মাজতে চলাই আহিছে পাঠদান ৷ এনেদৰে দুৰ্বল আন্তঃগাঁথনিৰ মাজেৰে যোৰহাট নগৰৰ মাজমজিয়াত অৱস্থিত স্ত্ৰী শিক্ষাৰ প্ৰাণকেন্দ্ৰ স্বৰূপ দেৱীচৰণ বৰুৱা উচ্চতৰ মাধ্যমিক বালিকা বিদ্যালয়ে হীৰক জয়ন্তী বৰ্ষ পালন কৰিবলৈ বাধ্য হৈছে ।