দেউৰী স্বায়ত্তশাসিত পৰিষদৰ প্ৰথম বৰ্ষপূৰ্তিত মন্ত্ৰী ডাঃ ৰণোজ পেগু

বিহপুৰীয়া, 27 ডিচেম্বৰ : বুধবাৰে নাৰায়ণপুৰত উদযাপন কৰা হয় ভৈৰৱ দেউৰী নেতৃত্বাধীন দেউৰী স্বায়ত্তশাসিত পৰিষদৰ প্ৰথম বৰ্ষপূৰ্তি । নাৰায়ণপুৰস্থিত পৰিষদৰ মুখ্য কাৰ্যালয় প্ৰাংগণত অনুষ্ঠিত কৰা বৰ্ষপূৰ্তি অনুষ্ঠানত অংশগ্ৰহণ কৰে ৰাজ্যৰ শিক্ষা আৰু ভৈয়াম জনজাতি উন্নয়ন বিভাগৰ মন্ত্ৰী ডাঃ ৰণোজ পেগুৱে ৷

দেউৰী স্বায়ত্তশাসিত পৰিষদৰ কাৰ্যবাহী সদস্য শশাংক বৰদেউৰীয়ে আঁতধৰা সভাখনত আদৰণী ভাষণ প্ৰদান কৰে পৰিষদৰ মুখ্য কাৰ্যবাহী সদস্য ভৈৰৱ দেউৰীয়ে । সভাত দেউৰী জনগোষ্ঠীৰ পূজাৰীসকল, জনগোষ্ঠীটোৰ নেতৃস্থানীয় ব্যক্তিসকলৰ লগতে সহস্ৰাধিক লোক উপস্থিত থাকে ।

সভাৰ পূৰ্বে মন্ত্ৰী ডাঃ ৰণোজ পেগুৱে লখিমপুৰ জিলাৰ দেউৰী পাৰিষদীয় এলেকাৰ ১১ খন উন্নয়নমূলক আঁচনিৰ আধাৰশিলাৰ ফলক আনুষ্ঠানিকভাৱে উন্মোচন কৰাৰ লগতে নৱনিৰ্মিত দেউৰী সাহিত্য সভা ভৱনটো ফিটা কাটি মুকলি কৰে ।

লগতে পঢ়ক: লোকসভা নিৰ্বাচনৰ পূৰ্বে সমস্যা সমাধানৰ দাবী বড়ো কছাৰী পৰিষদৰ